KAP. 4.

formaður fyri tí fólkavaldu samkomuni, løgtinginum, í Føroyum og
hevur tí hægstu tign. Løgmaður er honum næstur í tign. Av hesi orsøk
verður mælt til, at løgtingsformaðurin er hin fremsti í ólavsøkuskrúðgonguni,
og at honum verður litið til at taka avgerð um, hvør ið gongur
í skrúðgonguni og í hvørji røð.
Ad § 11:
Hetta er endurtøka av galdandi stýrisskipanarlóg § 17.
Ad § 12:
Greinin hevur sína fyrimynd í grundlógarinnar § 38 og er ikki í galdandi
stýrisskipan, men hevur í verki verið fylgd í nógv ár.
Ad § 13:
Greinin kemur ístaðin fyri § 7, stk. 3 og 4, og § 8 í galdandi stýrisskipan
og hevur fyrimynd sína í grundlógarinnar § 39. Tó er sett afturat, at
løgtingsformaðurin hevur skyldu at kalla til fundar skjótast til ber.
Ad § 14:
Greinin er endurtøka av stýrisskipanarlógini § 25. Eftir § 25 í uppskotinum
kann løgmaður ella landsstýrismaður ikki vera løgtingsmaður, so
teir kunnu ikki hava atkvøðurætt sum tingmenn samstundis. At ríkisumboðsmaðurin
verður valdur løgtingsmaður, ber til eftir lógini, men
er helst rættiliga óhugsandi í roynd og veru, og er tí ásett, at hann ikki
hevur atkvøðurætt og meinast tá við embætisins vegna.
Ad § 15:
Til stk. 1 er at viðmerkja, at løgmaður, landsstýrismenn og løgtingsmenn,
og bert teir hava rætt at leggja fram uppskot fyri løgtingið.
Ríkisumboðsmaðurin hevur ikki slíkan rætt, men má fyrileggja síni
uppskot fyri landsstýrið, sum so tekur støðu til, um tað vil leggja
uppskotið fyri løgtingið.
Til stk. 2 er at viðmerkja, at eftir § 23 í galdandi stýrisskipanarlóg
skulu løgtingslógaruppskot hava tríggjar viðgerðir á løgtingi. Uppskot
um at seta í gildi fyri Føroyar ríkislógir – ríkislógartilmæli – skulu bert
hava tvær viðgerðir, av tí at uppskotini í dag ganga eftir reglunum um
uppskot til samtyktar. Greinin leggur upp til, at reglurnar verða tær
somu fyri løgtingslógir og ríkislógartilmæli, tríggjar viðgerðir á tingi.
Til stk. 3. Greinin hevur fyrimynd sína í grundlógarinnar § 41, stk. 3,
og er ikki í galdandi stýrisskipanarlóg. Í føroyska tekstinum verður nýtt
180