KAP. 4.

taka sær av viðurskiftunum við útheimin, men eftir § 7, stk. 2, hevur
heimastýrið ein ummælisrætt.
Greinin ásetur nærri reglur fyri hesum ummælisrætti, sum verður
framdur á sama hátt sum tá heimastýrið sjálvt ger millumlanda sáttmálar.
Ad § 54:
Fyrimyndin er § 19, stk. 3, í grundlógini.
Tvinni endamál eru við regluni.
– At landsstýrið fær greiðu á, um ein millumtjóða sáttmáli, tað er í
ferð við at gera ella viðmæla ríkisstjórnini at undirskriva, hevur
løgtingsins undirtøku.
– At kunna løgtingið, um landsstýrið er í holt við millumtjóða sáttmála,
sum als ikki hevur tingsins undirtøku, og sum eigur at fáa politiskar
avleiðingar á tann hátt, at misálitisuppskot verður sett fram í løgtinginum
ímóti landsstýrinum.
Uttanlandsnevndin virkar eisini, tá ið tað snýr seg um avtalur, sum
landsstýrið ger við ríkisstjórnina.
Ad § 55:
Greinin er ein endurtøka av galdandi rættarstøðu sbr. heimastýrislógini
§ 5, so sum nærri er frágreitt á bls. 79.
Ad § 56:
Hetta er ein endurtøka av tí rætti, kommunurnar longu frammanundan
hava eftir grundlógarinnar § 82.
Ad § 57:
Greinin er einsljóðandi við § 30 í stýrisskipanarlógini.
Fólkaatkvøða um lógaruppskotið verður bert hildin, um so er, at
hetta verður kravt av einum løgtingsminniluta eftir reglunum í § 16.
Slík fólkaatkvøða kann ikki krevjast, tá málið er samtykt á fyrsta sinni
áðrenn nýval, men kann ikki krevjast fyrr enn eftir endaligu endurnýggjaðu
samtykt løgtingsins eftir nýval.
Ikki verður hildið rætt at broyta mannagongdina fyri broyting av
stýrisskipanarlógini so hon verður samsvarandi broytingarmannagongdini
fyri grundlógini. Verður tað gjørt, at sett verður krav um fólkaatkvøðu,
har 40% av øllum fólkinum í Føroyum skal atkvøða fyri broyting,
og uppskotið skal verða samtykt av tveimum ymiskum løgtingum á
197