KAP. 4.

At meiriluti av øllum tingmonnum, og ikki bert vanligur meiriluti,
skal atkvøða fyri misáliti, kemst av, at tað sbr. tilnevningarskipanini av
løgmanni krevst, at meiriluti av øllum tingmonnum skal atkvøða ímóti
uppskoti løgtingsformansins fyri, at tað skal falla, og má hetta tí eisini
krevjast, fyri at misálit skal fáa avleiðingar.
Ad § 32:
Fyri tí, at løgmaður fer frá, kann fyrisiting landsins ikki steðga púra upp
soleiðis, at eingin avgerð verður tikin, men hon kann heldur ikki halda
fram, sum einki var hent. Av hesi orsøk verður tí í hesi grein ásett, at
teir halda fram, til nýggj tilnevning er farin fram, men bert kunnu taka
tær avgerðir, sum eru alneyðugar til tess, at vanliga fyrisitingin kann
halda ótarnað fram. Rættin at skriva út nýval hevur løgmaður tó sbr. 3.
pkt. í ásetingini í upp til eina viku eftir misálitið. Grundgevingin er, at
løgtingið og landsstýrið ansa eftir, at javnvág er teirra millum, og tí má
bera til hjá løgmanni at sýna sítt misálit á løgtingið við at skriva út
nýval, um so er, at løgtingið sýnir honum misálit. Frestin er sett til eina
viku, fyri at greiða kann fáast á, hvussu veruliga støðan er tá.
Greinin fevnir ikki um tað førið, at nýval er útskrivað, tá ið landsstýrið
áðrenn valið framvegis situr eftir løgtingsval, uttan so er, at løgmaður
leggur frá sær, ella tað fær nývalda løgtingsins misálit, ella áðrenn
nývalið hevði fingið gamla tingsins misálit. Landsstýrið hevur tá sínar
fullu heimildir, og hevur løgtingið ikki álit á, at landsstýrið hevur hesar
heimildir undan vali og eftir val, kann tingið koma saman og atkvøða
fyri misáliti við tað, at lógligt løgting altíð er; gamla løgtingið til og við
nýggja løgtingið er sett og nýggja løgtingið hereftir.
Ad § 33:
Til stk. 1. Løgtingið og landsstýrið eru eftir uppskotinum tveir ymsir
óheftir stovnar við hvør sínum málsøki og hava m.a. til arbeiðis at ansa
eftir, at javnvág er teirra millum.
Av hesi orsøk eigur ikki at bera til at vera í báðum hesum stovnum
samstundis.
Harumframt eru bæði hesi størv so krevjandi, at eingin hevur arbeiðsorku
til lítar at taka sær av báðum hesum størvum í senn.
Til stk. 2. Slík lóggáva er ásett við løgtingslóg nr. 10 frá 08.01.1993
um samsýning og eftirløn landsstýrismanna.
Ad § 34:
Til stk. 1. Við hesi grein verður sonevnd ministerialskipan sett á stovn í
188