KAP. 4.

ímóti tí almenna. Um so er, at alneyðugt er at fáa fram upplýsingar frá
privatum, sum draga seg undan, so ber til at byrja rættarmál við kravið
um, at tann privati verður dømdur at útflýggja ella greiða frá, og málið
hereftir fer fram eftir fútarættarreglunum fyri slík mál.
Ad § 21:
Greinin er endurtøka av § 18, stk. 2, í stýrisskipanarlógini og hevur
fyrimynd sína í grundlógarinnar § 52.
Ad § 22:
Greinin er ein endurtøka av galdandi stýrisskipanarlóg § 27, sum er
avskrift av grundlógini § 53. Sett er tó afturat, at um fyrispurningur ikki
verður samtyktur, so kann 1 ⁄3 av tingmonnunum á fundi krevja hann
svaraðan.
Sbr. greinini kann bæði einstakur fyrispurningur verða settur fram,
og kann eisini fara fram aðaltjak í tinginum við støði í hesi grein.
Greinin hevur tann týdning, at um svar løgmans ella landsstýrismansins
ikki hóvar tingmonnum, so kann hetta føra við sær, at misálitisuppskot
verður samtykt ímóti landsstýrinum av hesi orsøk.
Nevndin heldur tað vera rætt, at minniluti kann samtykkja loyvi at
seta fram fyrispurning sbr. hesi grein, tá ið ikki eigur at bera til hjá
meiriluta á tingi, sum stendur aftanfyri landsstýrið at gera tað ómøguligt
at kanna eftir, hvat fyriferst í landsstýrinum. – Heilt at sleppa kravinum
um samtykt frá minniluta á tingi heldur nevndin ikki verða rætt. Tørvur
kann verða á, at møguleiki kann vera hjá tinginum at steðga tingmonnum,
sum seta týdningarleysar spurningar.
Ad § 23:
Hetta er endurtøka av stýrisskipanarlógini § 28.
Ad § 24:
Greinin hevur fyrimynd sína í grundlógarinnar § 56. Slík áseting er ikki
at finna í galdandi stýrisskipanarlóg, men framgongur helst av øðrum
ásetingum. Greinin førir m.a. við sær, at politiskur flokkur ikki kann
krevja, at løgtingsmaður sigur tingsessin frá sær, fyri at varamaðurin
kann taka hansara sæti.
Ad § 25:
Greinin er ein endurtøka av stýrisskipanarlógini § 24. Tó er nú ásett, at
184