Dicionario terminolóxico da vestimenta tradicional galega e ...

Proxecto de fin de licenciatura
Manuel Souto Pico - Universidade de Vigo, 2003
5. CONCLUSIÓNS
A modo de conclusión, podemos dicir que a realización deste traballo resultou máis
difícil do que nun principio parecía, debido a varios factores, entre eles a incoherencia
das fontes e dos informantes, a existencia de múltiplas lagoas na bibliografía de
referencia e polo traballosa que se revelou a aplicación da metodoloxía escollida,
debendo en numerosos casos facer concesións de orde pragmática para poder levar o
traballo adiante. Isto constata a conveniencia constante de adaptar as metodoloxías
existentes, ou elaboradas ad hoc para un caso concreto, á especificidade do traballo,
sobre todo á medida que se vai realizado e a necesidade desa adaptación se vai facendo
patente. Non obstante, a pesar desa traballosidade inesperada, considerada de maneira
global a experiencia resultou enriquecedora pola cantidade de cousas que tiven a
oportunidade de aprender (sobre terminoloxía, sobre a vestimenta ao ter que me
enchoupar de coñecementos relativos á área para realizar a clasificación conceptual, a
redacción das definicións, sobre informática ao ter que aprender de cero a deseñar unha
páxina web, etc.) e pola boa recepción das persoas ás que foron expostos os resultados
parciais deste traballo.
114