Dicionario terminolóxico da vestimenta tradicional galega e ...

3.5. LIÑAS FUTURAS
Dicionario terminolóxico da vestimenta tradicional galega e proposta dun sistema de
representación conceptual dinámico para a súa consulta onomasiolóxica en liña
Dado que non conseguín atinxir todos os obxectivos que me marquei neste traballo e
dado que hai aspectos que permitirían mellorar o dicionario que inicialmente non foran
propostos senón que foron xurdindo ao longo do traballo, darei aquí unha breve
explicación de posíbeis vías de traballo para completar o dicionario do futuro, sempre
dependendo de que a súa aceptación sexa boa no seu estado actual.
En primeiro lugar, sería óptimo continuar explorando as posibilidades de PHP (a
linguaxe de programación utilizada para a construción do sitio web e o esquema
conceptual dinámico) para conseguir desenvolver un sistema dinámico máis completo
que permita combinar as dimensións utilizadas nunha busca. Con PHP é posíbel
estabelecer un sistema de sesións, o cal, por medio de información que se almacena
nunha cookie no ordenador do usuario cada vez que este accede ao sitio web ou ao
esquema conceptual, permite conservar datos mentres se navega ao longo de accesos
subsecuentes ás ramas do esquema conceptual dinámico, de maneira que se poden ir
superpondo os diferentes criterios de clasificación até chegar ao termo como resultado
da confluencia de todos eles.
Por outro lado, tanto a inclusión de máis fotografías ou debuxos como o
estabelecemento de equivalencias en inglés e español son tarefas prioritarias (sobre todo
as equivalencias) que é preciso acometer para arredondar o dicionario e tornalo unha
ferramenta máis útil. Así mesmo, é preciso tamén manter novas entrevistas cos
especialistas consultados e con outros aínda por consultar para esclarecer algúns puntos
que non quedaron definitivamente resoltos. Pode apreciarse que o labor de manutención
deste sistema non termina en ningún momento, dado que a listaxe de termos ou das
informacións asignadas a cada un non son un ente fechado, senón que sempre non só é
posíbel incluír novas informacións senón que é inevitábel que xurda a necesidade de
facelo.
Outras iniciativas das que se beneficiaría o dicionario no seu conxunto serían a
creación, no sitio web, nun foro de discusión (ou bulletin board) no que os especialistas
poidan contrastar e pór en común os seus coñecementos, con frecuencia tan diverxentes;
a máxima difusión do dicionario por medio de correo electrónico e cartas a asociacións
culturais e folclóricas galegas, da distribución de follas co enderezo URL co gallo de
mostras do traxe, conferencias, concentracións etc; o perfeccionamento do operador de
73