Dicionario terminolóxico da vestimenta tradicional galega e ...

Dicionario terminolóxico da vestimenta tradicional galega e proposta dun sistema de
representación conceptual dinámico para a súa consulta onomasiolóxica en liña
do dicionario utilicei PHP, unha linguaxe de programación de código aberto para a
xeración de páxinas web dinámicas, entre outras moitas aplicacións, co fin de
estabelecer unha interacción entre o sitio web e a base de datos, podendo así através da
páxina facer consultas ou introducir nova información nela 37 . PHP permite que, se
temos, por exemplo, 100 termos, non teñamos que facer 100 páxinas en HTML para
mostralos, co conseguinte derroche de tempo e esforzo se houber que actualizar algún
dato de todos os rexistros, senón que permite crear unha soa páxina que mostre os
contidos da BD dependendo da consulta realizada.
Dado que PHP non pode interrogar unha base de datos deseñada MS Access, foi
necesario utilizar un outro sistema compatíbel como por exemplo MySQL, que é un
sistema de xestión de bases de datos relacionais (SXBDR) de código libre 38 que utiliza
SQL (Structured Query Language), a linguaxe estándar de interrogación de bases de
datos 39 . Así, debín transferir a base de datos a MySQL mediante ODBC e un programa
front end (concretamente eu utilicei o SQLyog, pero existen outros que realizan
aproximadamente as mesmas funcións). ODBC é un método estándar de acceso a BDs
creado por Microsoft Corporation que fai posíbel o acceso a calquera SXBD desde
calquera aplicación 40 . Por último, SQLyog é unha ferramenta de xestión de servidores
dc MySQL 41 .
Desta forma, por tanto, como páxina de inicio do sitio web deseñei unha interface
intuitiva e de fácil manexo que permite que o usuario non teña que interrogar
directamente a BD, senón que simplemente deba realizar a súa consulta por medio dun
formulario sinxelo á maneira de calquera buscador do tipo do Google ou Yahoo, como
se pode apreciar na seguinte figura:
37 «PHP (officially ‘PHP: Hypertext Preprocessor’) is a server-side HTML-embedded scripting language». Para máis
información ao respecto, vid. http://www.php.net/.
38 Para máis información sobre código libre, vid. http://www.gnu.org/
39 Para máis información sobre MySQL, vid. http://www.mysql.com/
40 Para máis información sobre ODBC, vid. http://www.microsoft.com/
41 Para máis información sobre WEByog, vid. http://www.webyog.com/
67