Journal of Italian Translation - Brooklyn College - Academic Home ...

150
Journal of Italian Translation
No tornant a Vildivâr
Di ains pluj j’ no torni,
no mi covente savê
s’al cïule il puarton ancjemò,
s’ ’e àn butât-jú chê biele magnolie,
ni il mûr tornâ a viodi
plen di salnitro cun dissegnàdis
da l’ èdare vènis sècjis di cour –
e pò a’ no covente tornâ inte cjase lassade
ch’ ’a veve camarin une volte
e grenâr plens di ridàdis.
Pa la mare, cunvinte siartece ch’j’ vîf
j’ no ài pluj bisugne dai muarts.
Presumût unviâr
Za a’ si insede tal cour
il ricuart dal sorêli.
L’arbe ‘a si é fate pluj grîse
davóur dal Dogâl*.
L’ajar al mene cocâj sú dal mâr,
liseirs tanche stras o penseirs,
vêrs dome pal lôr crût piuicâ.
Davóur dai Vârs* l’aghe
no spegle pluj vôj di usseluts,
ma nîts za bandonâts.
Chi a’ nol vignarà pluj nuje,
nuje nol podarà pluj vignî.
Il vencjâr tal grivi dal sîl
al sgripíe la sô storie di îr.
Al é stât forsi miôr
no vêti pluj ulût ben.
Za al si piart intal cour
il ricuart dal sorêli.
Parsè? Sino sote il scurî?
A’ pol stâj. Dibot, ’ne gnot,
’i podin jessi d’ unviâr.
* Il Dogâl e Davóur dai Vârs sono due località di Varmo, mio paese
natale. Vârs – letteralmente: fiumi, fontanili, rogge, luoghi palustri – è
toponimo prelatino. Originariamente significava tutto ciò che è umido,
investendo uno spettro semantico amplissimo.