aspekte van die naamwoordkonstruksie in griekwa-afrikaans

• ..."dat sintaktiese vereenvoudiging optree as sneller vir sintaktiese kompleksiteit as
balans en dat die teenpool van sintaktiese kompleksiteit sintaktiese eenvoud is" (Van
Rensburg 1984:96) en formuleer hy sy sogenaamde kompensasiebeginsel;
• dat gesproke taal 'n kleiner mate van sintaktiese kompleksiteit venoon as
byvoorbeeld formele, geskrewe taal - dat dit vir Afrikaans anders sal wees, blyk
onwaarskynlik (Van Rensburg 1984:176);
• dat sintaktiese kompleksiteit in hoe mate 'n registerverskynsel is; om die ondersoek
verder te voer, behoort daar volgens hom gekyk te word na die verband tussen
sintaktiese kompleksiteit en gespreksonderwerp, meetbare sosiale studies, die graad van
formeelheid, ens. (Van Rensburg 1984:175).
63.2 Die begrip kompleksiteit soos in hierdie ondersoek vervat
Die kompleksiteitsgraad van 'n naamwoordstuk word vir die doeleindes van die ontleding
bepaal op grond van die aantal paradigmas wat die naamwoord in die kern van die
konstruksie voorafgaan, of op grond van die kombinasie van paradigmas en sintagmas wat
dit voorafgaan of wat daarop volg.
Die kompleksiteitsgraad van drie tipes naamwoordstukke word bespreek, naamlik:
• naamwoordstukke met substantiewe as kern
• naamwoordstukke met name as kern
• naarnwoordstukke met voornaamwoorde as kern.
Die bogenoemde kompleksiteitsgrade word vervolgens aan die hand van substantiefstukke
uiteengesit, maar geld ook vir naamstukke en voornaamwoordstukke.
Drie grade van kompleksiteit word onderskei:
1. 'n naamwoordstuk wat deur 'n onbepaalde of bepaalde lidwoord voorafgegaan word en
wat gevolglik net vir bepaaldheid ofonbepaaldheid sernanties gemarkeer is, soos:
167