aspekte van die naamwoordkonstruksie in griekwa-afrikaans

Die ander groepe gebruik die vorrne soos in die koine:
onse heise was bymekaar- ek en mypa (A216:12,13)
Toe skryf sit my vader (C139:116)
my moeder, my grootvader (Cl 38:75)
Na aanleiding van hierdie voorbeelde word daar dus 'n onderskeid gemaak tussen die
Campbell-groep en die ander twee groepe.
(4) Die aanduiding van voornaamwoordelike geslagsonderskeid in Griekwa-Afrikaans
Volgens Du Plessis (in Van Rensburg 1984:103) veronderstel anaforiek die aanwesigheid van
'n antesedent en een of meer anafore waar die funksie van die antesedent die identifikasie en
indiwidualisasie van die referent is. Die gebruik van hy en sy sal derhalwe die referent
geslagtelik identifiseer met die kenmerke (+manlik) of (+vroulik). Waar hy en sy in die koine
mens en dier geslagtelik merk, is dit nie altyd die geval in Griekwa-Afrikaans me, spesifiek
met verwysing na die voomaamwoord sy, wat ook die kenmerk (+vroulik) kan he.
So byvoorbeeld gebruik die Campbeli-groep die manlike anafoor hy om die vroulike geslag
aan te dui, en sIegs by uitsondering in variasie met die vormsy, soos in die koine :
My vrou ...hy had kjinners gehad (D2 298:11)
Die groep uit Philippolis en omgewing gebruik sowel hy as sy, en soms dit in variasie om die
vroulike geslag aan te dui :
My vrou...dis vier kinders gehad (A2 19:117)
My ma•..hy..sy's hier dood (A4 28: 19,20)
Die Kokstad-groep gebruik uitsluitlik sy om die vroulike geslag aan te dui :
My ma...sy's van Queenstown se Djones (C3 57:47)
Ook in hierdie geval word 'n onderskeid gemaak tussen die Kokstad-groep, die Campbell­
groep en die Philippolis-groep.
32