Juan Eduardo Panadero Cuartero (coord.) Aurora Lozano Montero ...

PROGRAMACIÓN85As actividades da unidade inclúen gran variedade de cuestións que estimulan as habilidades para representarsementalmente, interpretar e comprender a realidade da natureza da calor, dos seus efectos sobre os corpos, as súasformas de propagarse e as súas aplicacións, así como a natureza da temperatura como magnitude que mide a enerxíainterna dos corpos, e organizar e autorregular o coñecemento e a acción dotándoos de coherencia. Ao mesmotempo, desenvólvense destrezas lingüísticas ao definir conceptos, identificar conceptos mal clasificados, redactarrespostas breves, clasificar como verdadeiro ou falso, etcétera.A actividade Lapis e rato (páxina 208) ofrece información para visitar distintas páxinas web sobre a calor e a temperatura,que permiten comprender e utilizar diferentes recursos lingüísticos, así como aprender a escribir textos sinxelosen diferentes linguas e utilizar ditas linguas en contextos comunicativos de uso cotián.A descrición dos principais conceptos ao longo da unidade móstrase destacado en recadros e, xunto coa actividadeResume e ordena as túas ideas (páxina 208), pretende estruturar o coñecemento dos nosos alumnos e alumnassobre diversos fenómenos relacionados coa temperatura como magnitude que mide a enerxía interna, coa calorcomo unha forma de enerxía en tránsito, a dilatación e os cambios de estado como efectos da calor sobre os corpos,a propagación da calor mediante condución, radiación e convección e a utilización da calor no motor de combustióne fomentar neles a habilidade para extraer a información esencial tras a lectura da unidade.O texto científico da actividade A Ciencia explícanos o mundo (páxina 213), xunto coa cuestión que se expón aofinal, está enfocado a desenvolver a comprensión lectora. A bibliografía que se mostra en Libros que te podenaxudar (páxina 213) é unha mostra de libros de divulgación da Ciencia para mozos que pretende estimular o pracerpola lectura para que os nosos alumnos e alumnas gocen lendo e expresándose de forma oral e escrita.Competencia matemáticaEsta competencia cobra realidade e sentido na medida que os elementos e razoamentos matemáticos básicos son utilizadosno estudo da calor e a temperatura para se afrontar e dar explicación a aquelas situacións que o precisan:• Deseño de experiencias, realización de medidas e análise de datos que permitan comprobar os sucesivos cambiosde estado.• Interpretación de debuxos e esquemas que permitan comprender o funcionamento de diversos motores de combustióninterna e externa, como a máquina de vapor.• Análise comparativa entre as escalas Celsius e Fahrenheit de medida da temperatura e estudo das fórmulas quepermiten a conversión dos datos entre ambas as escalas.• Análise dos elementos que interveñen no illamento térmico.• Interpretación de diagramas e gráficas sobre a dilatación dos corpos e as formas de propagación da calor.• Interpretación de diagramas e gráficas que permitan comprender a natureza das correntes de convección e a súaparticipación no voo dalgunhas aves e dos avións sen motor.• Toma de datos e realización de medidas para construír un modelo de destilador de auga.Competencia no coñecemento e a interacción co mundo físicoAs actividades Observa e experimenta (páxina 209), Aplica o teu coñecemento (páxina 210) e Resolve o problema(páxina 211) permiten o desenvolvemento desta competencia, que fai posible identificar preguntas ou problemase obter conclusións baseadas en probas, coa finalidade de comprender a temperatura como magnitude quemide a enerxía interna e a calor como unha forma de enerxía en tránsito.O feito de comprender que se pode incrementar a axitación interna das partículas dun corpo e, polo tanto, a súa temperatura,subministrando calor ou mediante o rozamento e a fricción, e coñecer que a calor é unha forma de enerxíaque se transfire, transfórmase e pode realizar traballo, implica a habilidade progresiva para poñer en práctica osprocesos de indagación científica: realizar observacións directas e indirectas de diversos fenómenos físicos; formularpreguntas; localizar, obter, analizar e representar información cualitativa e cuantitativa sobre a dilatación e oscambios de estado, que son efectos da calor sobre os corpos; expoñer e contrastar hipóteses sobre a propagaciónda calor mediante condución, radiación e convección e realizar predicións e inferencias sobre a utilización da calorno motor de combustión e as súas consecuencias históricas, sociais e ambientais.A axeitada percepción do espazo físico en que se desenvolve a actividade humana, así como a habilidade para interactuarco espazo circundante ponse de manifesto nas actividades Compara…, Comproba… e Pensa (páxina203), ao reflexionar sobre a calor como unha forma de enerxía (as súas fontes son escasas, caras e contaminantes),cuxa utilización provocou profundas transformacións sociais no transcurso da historia da humanidade.