verbatim report of constituency public hearings ... - ConstitutionNet

(Interjection) Com Pastor Zablon Ayonga: Lakini swali ambalo Commissioner anakuuliza, kwamba kiasi ni nini ambacho
wewe ungesema ukimpiga hivi na hivi, hilo si neno? Haya endelea tu mama, utupe hayo makaratasi na ujiandikishe. Next kuna
Eddy M.
Tafadhali watu ni wengi na ningalipenda ndugu zangu na dada zangu mchukue dakika tatu, tatu kwa kumulika maneno yenu.
Ninataka kila mtu apate nafasi ya kusema kitu, kwa maana watu hawa… unaposema tano, huyu atabaki. Kwa maana nina
majina hapa chungu nzima na yanazidi kuja. Na ninataka kila moja wenu apate nafasi. Njia tu ya kuwezesha kila mmoja wenu
apate nafasi ni kukata dakika, mpaka itafikia wakati nitasema dakika moja, moja. Kwa hivyo ninaposema tatu, hebu tufuate
hizo. Endelea. Hebu utupe mfano wa dakika tatu. Mnyamaze msikize tafadhali.
Eddy Mzungu: Asante sana Bwana Chairman, kwa majina ninaitwa Eddy Mzungu. Jambo la kwanza ninataka
kuwafahamisha wananchi kuwa tunataka Katiba ambayo ni ya wananchi, Katiba ya wananchi. Saa hii ukitupatia dakika tatu,
tatu kuna mpango gani hapo?
(Clapping from the audience)
Katiba tunataka ya wananchi, na ukiangalia katika registration yako, utaona kwamba… hata pengine utapata watu mia tatu.
Kwa hivyo, ninafikiria mngerudi ma-commissioner, mkaanza tena kuhakikisha Katiba ni ya watu, million thelathini sio ya watu
mia tatu hapa, mia mbili kule, hapana hiyo bado…
Com Pastor Zablon Ayonga: Endelea, endelea.
Eddy Mzungu: Katika elimu, ninaguzia hapo katika elimu, ma-Commissioner tafadhali, muwafundishe watu Katiba. Katiba
iandikwe katika kabila arubaini na mbili, kila mmoja apate haki ya kujua vile inaenda.
Tatu, ninataka kusema hivi, Katiba ambayo iko hapa sio kusema ni mbaya, Katiba ambayo tuko nayo sio mbaya vile, lakini ni
utoshelezi, implementation wa hiyo Katiba ndio mbaya. Saa hii pia tunawaona pale nyinyi ni ma-professionals,
ma-Commissioners ishirini na tisa. Mumepewa kazi, sijui ilikwenda aje mkauliza miaka mbili. Hata mkiwa mmekosea hesabu
zenu, mnakuja tena kuuliza miaka kumi, hizi hesabu zenu na nyinyi ma-professionals, ma-professor. Mnakuja kupiga hesabu na
mnazikosa, na mnakuja tena, muko na njama gani? Muko na njama gani nyinyi? Hebu mtueleze. Ikiwa hii Katiba ni Katiba ya
mageuzi ya Serikali mtuambie, sio kuja hapa kutuambia ni Katiba ya wananchi, hapana, iko njama nyinyi mnataka. Mkiwa
mshaandika Katiba pia, mtueleze, ikiwa mshaandika.
(Clapping from the audience)
29