verbatim report of constituency public hearings ... - ConstitutionNet

Ikiwa kazi yeyote inatokea kupeleka hata mtu wa Kenya nje, awe ni Mpwani-Mkenya harisi. Ndio tunaona, Mabalozi wetu
ambao wanatoka hapa, wanatoka wageni tena, ndio wanaenda nchi za kigeni.
Tukipata kwa wenye kuenda Tanzania – kwa Bunge, wanapeleka mgeni, na watu wa Kenya wanakaa hapa. Hiyo nilionelea,
ikiwa mtu kama huyo anapenda kazi kama hiyo, hata akienda kwa councillor, hata akienda kwa Mbunge, awe mtu wa Kenya
harisi. Na familia yake yote iwe ya Kenya.
Com. Pr. Ayonga: Asante sana Mzee Okwiri. Huyo ni Okwiri. Sasa nataka mama Asha Athumani Juma. Asha Athumani
Juma? Tafadhali tupunguze sauti, ili mama Asha Athumai Juma aanze. Mama unaweza kuanza, nimekupa dakika tatu tu.
Wakati mama anapojitayarisha, nataka ……. Mama endelea.
Asha Athumani Juma: Jina langu ni Asha Athumani Juma. Mimi Asha Athumani Juma, kilio changu ambacho
nikachokitoa hivi leo, ni sisi Waislamu. Waislamu sisi, tunasema, wananchi wa hapa, tunataka tupate Jimbo letu. Na hili Jimbo
letu nalo, tukishalipata, maanake, Jimbo ndio msingi tutakayofanya mambo yetu, au tuseme maneno yetu, ambayo yatajulikana.
Jimbo hili tulilonalo hapa, maneno yote yashazungumzwa, yale nilikuwa mimi nataka kuzungumza. Lakini sasa, maoni yangu ni
hivi. Hili Jimbo wakati tukishalipata hapa, tutakusanya zile pesa zetu zote zilizoweka hapa. Ikiwa ni airport, ikiwa ni kilindini,
tukishazipata, robo tatu tutamia wenyewe kwa miradi yetu. Tutapata robo moja tukapeleka makao makuu, kwa sababu ile
miradi, kisha tushapata ile Jimbo letu, na zile pesa robo moja tumepeleka kule, hizi robo tatu tutajenga ma-shule yetu, na halafu
tukipanga mambo yetu, tutayapeleka makao makuu tupate kuidhinishwa kule. Halafu miradi ile, ndiyo tutakuja kuifanya hapa.
Kuhusu serikali zetu, sisi wanawake wa Kiislamu tuna haki zetu. Na zile haki zetu hatujapatiwa, kina mama Wakiislamu,
wakati unapokwenda kujifungua hospitali generali, unazalishwa na wanaume, na haki ya Kiislamu yakataza kabisa. Maanake
mwanamke ukizaa, uko hali mbaya, uwezekani kwa kitabu chetu cha dini cha Mwenyezi Mungu, mwanamke kuonekana na
waume wengine isipokuwa mumeo. Isipokuwa wataka uonekane na mumeo pekee.
Kuna mwanaume wa Kiislamu, yuko pale, yuadungwa shindano na mwanamke ambaye pia hausikani, kidonda kiko pahali
pabaya, yuaoshwa na mwanamke, ambaye hauzikani. Kwa hivyo, twataka sisi Waislamu, wanawake wazalishwe na Waislamu
……………. (inaudible) wao, na Wanaume watipiwe na wanaume………. (inaudible) yao.
Nikiendelea mbele, kuna ma-shule yetu. Ma-shule yale tulionayo, wanawake wa Kiislamu wasichana wavaa nguo fupi, skirt ya
kufika hapa. Na Wanaume nao, ni siruari zao fupi. Twataka Waislamu wawe na mavazi siruari zao ndefu, ma-shirt ya mikono
mirefu, mwanamke awe na “hijabu”. “Hijabu” mwanamke awe nayo, na mwanaume suruari ndefu na kofia ya msikitini. Hapo
tutakuwa tushatimia kwa Waislamu.
53