A la gueta del material espardío - Educastur Hospedaje Web

– Pa vivir les nueses histories: la estaya lliteraria (II)
La imaxinación xuega un papel mui importante dientro la lliteratura. L’alumnáu
tien que ponela a funcionar y tratar de sentise escritores, anque seya
d’unes llinies. Asina, pue conseguise que pongan en práutica la llingua,
que-yos dean valir a los testos lliterarios d’otros y qu’entamen col vezu
de’escribir. Igual ye pidir demasiao, pero si queden a metá camín, eso que
tienen andao. Les propuestes son variaes col envís de considerales idees de
les que surdan otres, adaptaes a niveles, circunstancies, etc.
– Pa conocer meyor lo nueso: la estaya socio-cultural
La última estaya ye la que tien que ver con tolo qu’arrodia a la llingua. Dende
la situación de la llingua asturiana hasta la mitoloxía, too tien cabida
nesti apartáu. La idea ye dar unes pincelaes teóriques mui cencielles sobre
cada tema y proponer actividaes pa trabayar con ello.
Unos exercicios complementarios fadrán les veces d’actividaes de repasu y d’evaluación
de los conteníos trabayaos.
Anexos
Axuntamos tres anexos, como complementu a les estayes anteriores:
– Anexu I: Llibros encamentaos: Una riestra llibros encamentaos ordenaos por
niveles educativos a los que s’amiesten propuestes de trabayu pa con ellos.
– Anexu II: Temes tresversales: L’asignatura de Llingua Asturiana ye un bon terrén
nel que tocar cualquier de los temes tresversales recoyíos nel currículu.
– Anexu III: Llingua y lliteratura en gallego-asturianu: Una parte perimportante
a la hora d’estudiar la situación sociollingüística d’Asturies ye tocar la estaya
del gallego-asturianu, tanto nel tema de la llingua como nel de la lliteratura.
Competencies básiques
Nos currículos aprobaos nel Principáu d’Asturies nel añu 2007, tanto pa la Educación
Primaria como pa la Secundaria, establécense les competencies básiques
que l’alumnáu tien que tener desarrollaes n’acabando la so escolarización obligatoria.
Consideráse tamién la necesidá de teneles trabayaes en toles materies de cada
cursu y la nuesa asignatura nun diba ser menos.
Esta publicación cumple bien con esi oxetivu. L’usu del asturianu como llingua
vehicular, tanto nes actividaes escrites como nes orales, permite arriquecer la capacidá
comunicativa xeneral. Nun s’escaez l’usu de les nueves teunoloxíes, con delles
10
ENTAMU