A la gueta del material espardío - Educastur Hospedaje Web

Pa vivir les nueses histories
La princesa ta triste
Una narración ye’l relatu d’unos fechos reales o imaxinarios que soceden a unos personaxes
nun llugar. Cuando cuntamos dalgo que nos pasó o un suañu, o cuando
cuntamos un cuentu, tamos faciendo una narración.
Cuando cuntamos una historia los personaxes son mui importantes, yá que son los
seres a los que-yos pasen los fechos que’l narrador cunta. Si cuntes lo que t’acaba de
pasar, entós yes el protagonista y el narrador; si cuntes lo que-yos socede a los tos
collacios, los personaxes son ellos.
Los personaxes d’una narración puen ser persones, animales y hasta oxetos inanimaos
qu’actúen y sienten como si fueren humanos. Los personaxes tienen una personalidá
que puen caltener tola historia o cambiar a lo llargo d’ella.
Los personaxes estrémense ente principales y secundarios. Ente los principales ta’l
protagonista que ye’l más importante, el que lleva la parte más importante de l’aición.
Na nuesa historia, la protagonista más importante ye Ana, la princesa d’un reinu a
la que so pá, el rei, nun dexa que tenga amores con un pastor. La so vida allegre
vuélvese entós enllena de tristura dientro d’un cuartu mui pequeñu de la torre del
castiellu, onde so padre la mandó enzarrar…
Sigui tu agora describiendo a los otros personaxes de la historia:
– el pastor
– el rei
– la reina
– el carceleru
– l’amiga de la princesa
– l’amigu del pastor
– los caballeros del rei
Dempués de describir a tolos personaxes, puen lleese n’alto les descripciones, y dempués
facer por pareyes entrevistes a los personaxes qu’acaben de describir.
TEMA 3 59