A la gueta del material espardío - Educastur Hospedaje Web

Pa saber falar y escribir curioso
Los relativos
Los relativos n’asturianu son que, quien, onde, u, au, como, cuando y
cuantu, a, o, os, es…
– que. Apostrofa cuando-y sigue vocal o H. Exemplu: lo qu’anduvisti.
– quien. Siempre fai referencia a persones y nunca nun almite variación de
númberu, combinándose indistinto con verbos en singular o plural. Exemplu:
nun soi quien a ello; ¿seréis quien vosotros?
– onde-u-au. Signifiquen lo mesmo y puen llevar preposición delantre. Exemplu:
la casa [a-pa-hasta…] [onde-au-u] voi ye guapa.
– como. Exemplu: Eso pasó como te lo digo.
– cuando. Exemplu: eso pasó cuando yo taba ellí.
– cuantu, a, o, os, es. Presenta distintes formes pa masculín, femenín, neutru,
singular y plural. Exemplu: cuanta más allegría tien, más canta; comió cuanto
quixo.
Hai que poner atención nel fechu de que n’asturianu nun esisten formes como
les castellanes cuyo nin el cual. Asina, exemplos como los siguientes, podríen
tornase –hai más posibilidaes–:
Encontré al vecino, cuya hija es mi amiga. [Cast.]
Atopé al vecín del que la fía ye amiga mía. [Ast.]
Te recomiendo ese libro, el cual escribió Berta Piñán. [Cast.]
Recomiéndote esi llibru, el qu’escribió Berta Piñán. [Ast.]
TEMA 13 199