A la gueta del material espardío - Educastur Hospedaje Web

Pa saber falar y escribir curioso
La composición y derivación
El palabreru d’una llingua va camudando acordies coles necesidaes comunicatives
de la sociedá na que se desendolca.
Derivación. Cuando ye necesario aumentar el repertoriu léxicu, échase mano
de los neoloxismos, palabres que puen venir d’otres llingües o bien formase per
aciu de la xuntura de prefixos y sufixos.
Distínguense los prefixos (van delantre del lexema de la palabra) y los sufixos
(van detrás). N’asturianu hai afixos productivos o improductivos. Los primeros
son aquellos que puen usase pa formar nueves palabres porque nun van asociaos
a nenguna en particular. Por exemplu: PER- perguapu, peralta, persaber…
Un afixu improductivu ye’l que va asociáu a determinaes palabres, sin que se
puea usar pa crear otres nueves. Por exemplu:
–IONDU fediondu.
Dalgunos sufixos son:
–A: acición o efeutu: esbillar esbilla.
–ABLE: cualidá o posibilidá: evaluar evaluable.
–ACU, ACA, ACO: con axetivos, despeutivu: vieyu vieyacu.
–ALGU: cargu o condición: líder lideralgu.
–EZ: cualidá: duru durez.
–IBLE: cualidá: granu granible.
que pue facese: lleer lleíble.
–IELLU, IELLA: diminitivu: puerta portiella.
–ÍN, INA, INO: con axetivos, diminutivu: camín caminín
–MIENTU: cualidá, acción y efeutu: mover movimientu.
Dalgunos prefixos son:
ES–: sin significáu específicu: forzar esforzar.
IN–: dientro, en direición a dientro: migrar inmigrar.
PER–: con axetivos y alverbios, superlativu: bien perbién.
con verbos, del too, dafechu: saber persaber.
RE–: repetición: conocer reconocer.
intensidá: llucir rellucir.
SO–: debaxo de: soscribir. Alterna nel usu con sub-.
TEMA 14 217