A la gueta del material espardío - Educastur Hospedaje Web

Pa vivir les nueses histories
Rima, rimando
Podemos definir el VERSU como la palabra o conxuntu de palabres que siguen unes
regles de midida o acentuación y que s’escriben nuna mesma ringlera.
Llamamos ESTROFA al conxuntu de versos que formen unidá rítmica dientro d’un
poema.
Llamamos POEMA a toa composición lliteraria compuesta por versos.
Midir un versu ye cuntar les sílabes que tien. Pero hai que tener en cuenta:
sinalefa. Axuntanza nun versu poéticu de la cabera sílaba d’una pallabra cola primera
d’otra. Pa ello una tien qu’acabar en vocal y la otra entamar en vocal:
De - los - que a - rrin - quen - güe - ya - da39 (8 sílabes).
Si la última palabra d’un versu ye aguda, entós cúntase una sílaba más. Y si la última
palabra ye esdrúxula, réstase una sílaba:
Tró - ca - ra’n - gus - to’l - pen - sar ( 7 + 1 sílabes).
La RIMA ye la coincidencia de soníos que se da a partir de la vocal tónica de la última
palabra de cada versu. Pue ser:
consonante.- si se repiten vocales y consonantes nel mesmu orde:
Arriba’l cielu p-uru,
abaxu, mar de tempestá y horr-ores,
d’un lláu, pinar esc-uru,
de l’utru, cases blanques entre fl-ores…
asonante.- si se repiten vocales nel mesmu orde:
¿Qué non hebies quien te c-ante
Dicis querida mont-era?
¡El diañu! Fixe ton-aes,
Y xuro de bona m-ena...
Atendiendo al númberu de sílabes, clasificamos los versos n’arte mayor (son los que
tienen más d’ocho sílabes) o arte menor (son los que tienen ocho sílabes o menos).
Los d’arte menor son: bisílabos, trisílabos, tetrasílabos, pentasílabos, hexasílabos,
heptasílabos y octosílabos.
Los d’arte mayor son: eneasílabos, decasílabos, endecasílabos, dodecasílabos, tridecasílabos,
alexandrinos…
39 Exemplos de métrica tomaos de: CUESTA, T. (1987): «Barruntos d’amor» en Los nuevos bablistas. Uviéu, alla:
77-89 [Facsímil de la edición de Xixón de 1925].
TEMA 6 101