A la gueta del material espardío - Educastur Hospedaje Web

126
TEMA 8
Pa falar y pa escribir
Navegando, navegando
El mundu de les comunicaciones cambia a un ritmu escomanáu. Nun se pue lluchar
a la escontra de la modernidá y poro, hai qu’averase a ella.
Vamos a tratar de dar idees al rodiu del trabayu coles nueves teunoloxíes, qu’hai
qu’adaptar al aula o al espaciu nel que vaya desendolcase’l llabor.
El blog: ye una especie de diariu, un espaciu virtual nel que dir colgando lo que se
quiera. Dende testos a imáxenes pasando per enllaces a otres páxines, ye una bona
ferramienta pa trabayar la llingua escrita.
Hai institutos que tienen páxina web dende la que ye posible facer un blog. Educastur
ufierta tamién la posibilidá y munches páxines tienen espacios dende los que crealu de
baldre.
El corréu lletrónicu: Anguaño, tol alumnáu dispón de cuenta de corréu lletrónicu dependiente
d’Educastur. De toes maneres, la mayoría usa a diario internet pa comunicase
colos demás, asina que tán avezaos al llinguaxe de los e-mails. Hai qu’aprovechar
pa esplicar qu’escribir per internet nun significa nun poner procuru na ortografía.
Varies propuestes:
– Contautar con otru institutu y caltener correspondencia per internet, coordinada
pol profesoráu correspondiente.
– Escribir correos con un conteníu especificáu de mano que remitirán al corréu
del profesor o profesora (tamién pue crease pa l’actividá). Por exemplu: recomienda
un discu, una película, un llibru…, esplica qué ficisti les pasaes vacaciones,
cuenta qué imaxines que vas ser de mayor…
@