A la gueta del material espardío - Educastur Hospedaje Web

144
TEMA 9
Pa vivir les histories d’otra xente
Años 20 y la posguerra
La xeneración de los años 20 ta formada por escritores nacíos nel periodu de
cambiu de sieglu. La poesía repite esquemes ruralizantes, amoroso-idílicos y
humorísticos de la tradición anterior. Nun hai reflexu de la vida social real del
país. Puen citase Matías Conde y Antonio García Oliveros, Ago, ente otros.
Dempués de la Guerra Civil, munchos autores de xeneraciones pasaes siguieron
escribiendo, dalgunos d’ellos dende l’exiliu. Nos primeros tiempos, apaecen
munchos rasgos tradicionales, acentuaos quiciabes pol efeutu la censura.
Nuna segunda etapa entama una preocupación pola recuperación del asturianu
nun terrén cultural. Dos postures contraries vense a les clares: una tradicional y
otra renovadora. Los escritores van dir posicionándose en caúna d’elles, acordies
cola so visión del asturianu como llingua.
Antonio García Oliveros (AGO), autor polifacéticu por demás,
naz col sieglu XX en Navia. Mélicu, biógrafu, llingüista, escritor
humorísticu... son dalgunos de los llabores a los que se dedicó a lo
llargo los sos 85 años de vida.
Escribió tres llibros de poemes garrando’l testigu de la tradición
festiva de Tiadoro Cuesta: Cuentiquinos del escañu, Melecina
casera y Más cuentiquinos del escañu, asoleyaos pola
Academia de la Llingua nun volume.
Foi un auténticu maestru na poesía del humor.