A la gueta del material espardío - Educastur Hospedaje Web

3 El Caballu
Señor don Pedro Solís,
el que tien é nes corades
un macón de sacaberes
y un camberu d’allacranes;
el del Mayuelo con zunes
si non quier que i lo llame,
pieza de Baldeburón,
que sal bien, pero ye tarde;
alferi mayor d’Uviedo
q’anque pese á quien pesare,
puede metese á conceyu
sin quitar les sos polaines.
Sepia so mercé q’agora
que han de fer en todes partes
al mayorazu d’Asturies
xuramentos prencipales,
se m’ofrez el proponei
un truecu para que saque
un bon rocín ne los díes
que ñarbole l’estandarte.
Yo tengo un caballu oberu,
(ne la color arrepare);
q’inda no lu vió ente todes
cuantes tierres tien andades.
Ye un potru de munchu rumbu,
y anque non lleva fisgades
les oreyes ya se tien
afayado nes batalles.
Daré por fé y testimonia
para que les Buelgues plasmen
que lu truxo so les piernes
un Comandante de husáres,
home que co los vigotes
escobía los gabanes,
y con sangre de cristianos
suel esproñase les barbes.
Trai cochellón retorcidu,
que con esmanganiase,
el diablu más llime vides
que si llimiera castañes.
Si lu viera don Toribu.
Non tien duda habia ablucase.
Cochellada qu’el reflundia
no hay alma que se i ampare;
nin da más na usarería
la xente y los animales.
Resalviando á vuesasté
que lo había dicer antes:
d’isti climen ye el caballu
(que San Antón me lu guarde).
Per sobre los corbiones
tien tosquilades les marques
ye rocín fechu y derechu,
y dempués metidu en carnes.
¡A depuxa! ¡Qué animal
aparenta para padre!
La edá ¿quier que i la diga?
En estes yerbes segades
el usu de la razón
se i acomenzó a pesllase.
Tien la concencia muy donda;
non tien de qué recelase,
q’una y bona sobre illi
s’arrebalgue, non lu baste,
inda que ye mansolín
tamién tien sos ramascades,
que cuando tría, asemeya
que magüesta pedernales.
Cuando fai el galantín,
no hay regodón que non fraye
y de les llábanes mesmes
quier arrincar les entrañes.
Si pasa en vera d’arquetes
yos desflundia los canales
y al destruír los conductos
fai arreventar les agües 18 .
18 Bernaldo de Quirós, F. A. (2003): «El caballu» en Poesías selectas en dialecto asturiano. Uviéu, alla: 105-
107 [Facsímil de la edición d’Uviéu de 1887].
TEMA 3 57