A la gueta del material espardío - Educastur Hospedaje Web

110
TEMA 7
Pa falar y pa escribir
¿Qué pasaría si…?
Gianni Rodari ideó la téunica de creación lliteraria qu’él llamó ‘hipótesis pantástica’,
y a la que nós damos el nome de ‘¿Qué pasaría si…?’.
L’asuntu ye mui fácil: escoyemos un suxetu y un predicáu, y del conxuntu surde la
hipótesis, qu’acompaña a la entruga yá conseñada, ‘¿Qué pasaría si…?’.
A partir de la hipótesis, cada estudiante escribe la so historia.
Delles propuestes pa llevar alantre esti exerciciu puen ser:
– ¿Qué pasaría si quien te da clase vien con un traxe de pita puestu?
– ¿… al espertar descubres que tas nun barcu solu?
– ¿… al espertar descubres que tas nuna plaza de Londres?
– ¿… al espertar descubres que te tresformasti n’elefante?
– ¿… desapaeciera’l ruíu?
– ¿… detrás del armariu del cuartu hubiera otru cuartu?
– ¿… falares milenta llingües al empar?
– ¿… fueres un xeláu escondíu no más fondo de la nevera?
– ¿… nun atopares el final d’un túnel?
– ¿… nun dexara yá enxamás de llover?
– ¿… nun pudieres dormir nin un minutu de la to vida?
– ¿… nunca pasara nada?
– ¿… pudieres falar colos animales?
– ¿… te mirares nel espeyu y vieres el reflexu d’otra persona?
– ¿… te tragara la tierra?
– ¿… te tresformares n’alambre?
– ¿… te tresformares nun ser xigante?
– ¿… tuvieres la memoria d’un ordenador?
– ¿… un árbol t’entrugara pola familia?
– ¿… una pantasma quisiera facese amiga tuya?
– ¿… vieres a un cocodrilu cruzando la carretera?
– ¿… vivieres la vida d’otra persona?