A la gueta del material espardío - Educastur Hospedaje Web

54
TEMA 3
Pa vivir les histories d’otra xente
El Barrocu
Nel sieglu XVII apaecen los primeros autores d’obres en llingua asturiana conocíos.
Dos son los autores más importantes: Antón de Marirreguera y Francisco
Bernaldo de Quirós.
Como carauterístiques comunes de la lliteratura d’esti tiempu podemos conseñar
la influencia del mundu tradicional, l’interés pola mitoloxía, la temática relixosa,
etc.
Antón González Reguera, «Antón de Marirreguera» (alcuñu que
vien del nome de la madre, María Reguera) naz en Carreño al
rodiu de 1605 y muerre ente 1661 y 1662. Foi cura y párrocu en
delles parroquies del so conceyu y dizse que, tando pa morrer,
mandó a un sobrín que quemare tolos sos papeles porque nun
quería que se dixere d’él «qu’un cura s’entretuvo nestes coses».
Ye’l primer poeta conocíu de la lliteratura asturiana. El poema
Pleitu ente Uviéu y Mérida pola posesión de les cenices de Santa Olaya foi premiáu
nun certame poéticu de 1639 y considérase’l primer poema de la nuesa
lliteratura. Ente les sos obres hai que conseñar Dido y Eneas, Hero y Lleandro
o los entremeses L’ensalmador, Entremés del alcalde.
Francisco Antón Bernaldo de Quirós y Benavides naz n’Uviéu hacia 1675 y
muerre na batalla de Zaragoza en 1710.
Namás llega d’él el romance tituláu El caballu (que conocemos gracies a l’antoloxía
asoleyada por Caveda en 1887), de gran orixinalidá pa la época y qu’enllaza
cola lliteratura protagonizada por animales.