A la gueta del material espardío - Educastur Hospedaje Web

Pa saber falar y escribir curioso
Los alverbios
Los alverbios cumplen la función d’informar sobre l’aición verbal. Puen ser de:
llugar, tiempu, mou, afirmación, negación, dulda…
Llugar: equí, ehí, ellí, acá, allá, acullá, acó, alló, aculló, aquende, ende, alluende,
arriba, abaxo, enriba, encima, embaxo, embaxo, (a)fuera, (a)dientro, delantre,
detrás, alantre, atrás, cerca, lloñe, alredor, allabaxo, allalantre, allarriba,
aparte, metanes, enfrente…
Tiempu: primero, enantes, agora, dempués, llueu, ayeri, güei, mañana, aína,
ceo, tarde, sero, antaño, anguaño, apocayá, cuantayá, siempre, davezu, enxamás,
yá, entovía, entá…
Mou: bien, mal, meyor, peor, apriesa, depriesa, adulces, despacio, sele, albentestate,
gratis…
Cantidá: tanto, tan, más, menos, abondo, bastante, bien, dafechu, demasiado,
enforma, muncho, namás, nada, poco…
Afirmación: sí, claro, tamién, daveres, seguro…
Negación: non, nun, tampoco, siquiera…
Dulda: acaso, igual, mesmo, pémeque, quiciabes, seguro…
Hai más en caún de los tipos pero nun se puen olvidar les locuciones alverbiales,
mui abondoses n’asturianu y que surden dende un sustantivu o un axetivu,
con un sentíu y función equivalentes a les d’un alverbiu más cenciellu. Hailes
de toles menes, lo mesmo que los alverbios [pola cantidá, ver XIV.6 Gramática
de la Llingua Asturiana].
Puen formase tamién alverbios dende los axetivos, inmovilizándolos na terminación
propia del neutru: failo curioso o añadiendo’l sufixu -MENTE a la forma
femenina: failo curiosamente.
TEMA 11 169