A la gueta del material espardío - Educastur Hospedaje Web

134
TEMA 8
Exercicios
Les posibilidaes de trabayu qu’ufierta la toponimia n’Asturies son bien variaes y
prestoses. Equí van delles propuestes.
¿Quién sabe más de toponimia?
Repártese un mapa colos conceyos d’Asturies numberaos del mesmu mou que los
d’un mapa mudu que s’entrega dempués. Ponse la clase n’equipos pequeños y tienen
10 minutos pa tratar de «memorizar» los más posibles. En pasando esi tiempu, escueyen
10 topónimos pa preguntalos a los demás. El xuegu consiste en que, per turnos,
vayan preguntándose nel mapa mudu y seyan quien a dar col númberu, como
nel exemplu:
1. Equipu A pregunta a B: «conceyu de Ribedeva»
2. Equipu B contesta: «78». Ye correuto. 1 puntu.
Súmense los puntos pa dicir quién gana o sigue xugándose eliminando progresivamente
al equipu con menos aciertos
¿Apetezte investigar?
Investiga qué ye la Xunta de Toponimia y buscar los conceyos que tienen los sos topónimos
oficializaos.
Acordies col conceyu nel que se tea:
A) mirar cómo quedaren los toponimos oficializaos.
B) tratar de ver cuálos son los topónimos asturianos de la zona, entá sin oficializar.