A la gueta del material espardío - Educastur Hospedaje Web

248
ANEXU
Hollywood califica les cintes en función
de si se fuma o non
Los rellaciones públiques de la película sarcástica Gracies por fumar tendríen agora
muncho más trabayu en Hollywood pa poner escenes de fumadores nes películes. En
respuesta a los pidimientos de los grupos antitabacu, la Motion Picture Association
(MPA) decidió que les imáxenes d’actores adultos fumando, seyan consideraes, xunto
al sexu, la violencia y les palabres malsonantes, elementos pa clasificar o non una
película como apta pa menores. «Nengún padre quier que los sos fíos caigan nesti
vezu, polo que la respuesta afayadiza del sistema de clasificación ye dar más información
a los padres», dixo Dan Glickman, presidente de la mpa.
A la hora de decidir la clasificación va valorase si les escenes de los fumadores son
omnipresentes, si la cinta glorifica al fumador y si’l contestu históricu xustifica la
presencia de cigarros. Esto ye, en películes como Bones nueches, y bona suerte –na
que George Clooney pasa’l tiempu fumando–, el tabacu sedría aceptable porque ye
un vezu social na dómina na que ta ambientada la historia. Sicasí, si anguaño s’estrenara
Casablanca, Humphrey Bogart nun lo tendría fácil pa que la película nun fuera
considerada non recomendable.