A la gueta del material espardío - Educastur Hospedaje Web

3 Nel y Flor
114
TEMA 7
Yera viuda y tenía un fíu,
un chaval, guapu que yera:
de güeyos ñegros y allegres,
y cuxtre blanca, y guedeya
ensortiada de rizos
talos, que cualquiera neña
diés per unu’n xuramentu
que non cabiés ena tierra.
Yera’l tal de bon calter.
Xamás tevo una quimera
nin fixo veyura mala
nin dixo palabra fea.
Con trece pa catorce años,
con una risa melguera
redoblando nuna boca
roxa como una cereza,
capaz de sorber d’un besu
los corazones con ella,
yera Nel, que lu llamaben
así, mimu de l’aldea,
argullu de la so madre
y encantu de la so neña,
una tal Florina, flor
tan guapa como una estrella,
fía d’una propetaria
que, ‘n dineru y en facienda
tenía abondo pa comprar
a mediu pueblu de Nueva.
En xamás illi cunto-y
a so Flor, la so querencia,
nin ella enxamás, a Nel
dio-y a ‘ntender la manera
con que illi fincaba l’alma,
ensin quiciais dase cuenta,
col so galantiar de neñu,
en corazón d’una neña 49 .
49 García Peláez, X. (1992-1993): Obres completes (II). Xixón, Llibros del Pexe: 84-85 [Edición y estudiu preliminar
de Miguel Ramos Corrada].