A la gueta del material espardío - Educastur Hospedaje Web

espectador con un dominiu escepcional del humor y la gracia nes espresiones
locales» 86 (compiláu nos volúmenes Mareaxes tapiegos y Erguendo el telón),
cuentos (axuntaos parte en Parzamiques) y collaboraciones periodístiques (recoyíes
en Vento d’outono).
Na década de los años 80 del sieglu xx entama un cultivu lliterariu de xeneraciones
nueves averáu nel so estilu y temática a la lliteratura que se fai anguaño
n’otres llingües. Ente los autores conseñamos: Aurora García Rivas
(autora del poemariu O viaxeiro da noite), Xosé Miguel Suárez Fernández
(autor de los poemarios Bidureiras d’inverno y Nas arribadas), María José
Fraga (autora del volume de relatos Cua lluz prendida y del poemariu Terra
de pataricos), Rafael Cascudo Noceda (autor de les noveles pa mozos Xelín y
Toxo y Xunta de mitos).
Testos
1 La Fuente a Xovellanos (de Bernardo Acevedo y Huelves)
Vusté era un gran Siñor, eu era un probe;
vusté era un sabio, eu era un inorante;
eu era un inanín, vusté un xigante;
pedra fina vusté, y eu un adobe.
¡Dios axuntóunos…! Y si a min me move
a piedá para ir de Xove hasta Llevante,
a traición y a inxusticia, malandante,
trainlo a vusté dende Llevante a Xove.
Sirve a España lial, y al soberano,
y páganye en traicióis os tramposos:
Sírvolo eu a vusté… y chámame irmano.
Si ye erguen úa estatua, xenerosos,
Mañá en Xixón, soprique a os sous paisanos
¡que fagan a pilastra cos meus ósos! 87 .
86 Suárez Fernández, X. M. (2002): «La lliteratura en gallego-asturianu» n’Historia de la lliteratura asturiana.
Uviéu, alla: 736.
87 Tomáu de: Suárez Fernández, X. M. (2006): Unde letras falan. Antoloxía da poesía en galego-asturiano
(1891-2006). Uviéu, Trabe: 23.
ANEXU 251