A la gueta del material espardío - Educastur Hospedaje Web

Dellos conseyos pa dexar de fumar
• Escribi nun papel les ventaxes de fumar y de non fumar. Amás, de por qué quies
dexar de fumar.
• Llei la llista siempre que tengas ganes de fumar.
• Lleva un rexistru de lo que fumes nun día, les situaciones nes que fumes y los pensamientos
y circunstancies asociaes a ello.
• Ye importante decidir si vas intentar nun fumar dende esi momentu o si la mengua
va ser gradual. Nesti últimu casu hai que dir marcando unes llendes diaries cada
vegada menores.
• Escueyi un día señaláu pa dexalo pa que s’asocie con un enantes y un dempués na
to vida. Nun pue ser esti un momentu de tensiones.
• Pon cartelos per casa recordándote’l enfotu.
• Coméntalo a familiares y amigos pa que nun t’ufierten tabacu. Pídi-yos que nun
fumen delantre de ti.
• Nun pidas tabacu y nun lo aceptes.
• Quita los ceniceros de casa.
• Ventila’l cuartu, llava sábanes, cortines, ropa...
• Fai exerciciu físicu.
El tabacu causa la muerte súbita del bebé
Científicos atoparon delles evidencies que suxeren que fumar nel embarazu pue afeutar
seriamente la salú del bebé.
Un equipu d’investigadores n’Estaos Uníos confirmó que los recién nacíos tienen
más tendencia a morrer por mor del síndrome de muerte súbita del lactante si la madre
fumó nel embarazu.
Según los espertos, fumar nesi tiempu pue dañar receptores perimportantes nel celebru
del bebé que controlen la respiración.
Los mélicos creen qu’esti dañu podría ser la causa de que’l recién nacíu dexe de respirar
ensin motivu aparente. Esti síndrome apaez xeneralmente nos neños de dos a
cuatro meses, cuando estos tán dormíos81 .
81 Tomáu de la páxina web www.bbcmundo.com (20-iv-2003).
ANEXU 247