A la gueta del material espardío - Educastur Hospedaje Web

propuestes atractives, que-yos dexa ver bien a les clares la presencia del asturianu
na rede y con ello, desarrollar la so competencia dixital. La cultura asturiana, que
nun se pue separtar de la llingua, atópase espardida pente les páxines d’esti llibru.
El conocimientu de la realidá que los arrodia queda cubiertu dafechu, amás d’afondar
nel apreciu polo que ye d’ún. Cualquiera de les actividaes propuestes valen pa
pensar, pa da-y vueltes a posibles soluciones, a maneres de salir del “enguedeyu”.
En definitiva, contribuyen a desendolcar les destreces xenerales del alumnáu.
Poro, A la gueta del material espardío tien ente los sos finxos valir de ferramienta
pa los enseñantes nel so llabor d’inxertar les competencies básiques nes sos programaciones.
Comentariu de los autores
Somos conscientes de que «nun tamos descubriendo América», que tolo
qu’amosamos equí nun dexa de ser una compilación de recursos que munchos y
munches yá usáis dende va tiempu. Pero dada la situación del profesoráu de llingua
asturiana en Secundaria —cada añu nun sitiu, distintu alumnáu, distintos niveles...—
y mientres esto nun cambie, pensamos que nun taba de más compartir
esos materiales que llevamos años usando y que quiciabes daquién necesitó nun
momentu y nun supo ónde atopalos.
El nuesu oxetivu cimeru ye qu’esti llabor qu’equí presentamos contribuya, anque
seya una migayina, a esparder ente l’alumnáu de Llingua Asturiana les ganes por
siguir afondando nella y ente’l restu del profesoráu, compañeros y compañeres nun
quiciabes difícil camín, un poco de la ilusión cola que nós trabayamos.
Dende equí, queremos tresmitir un agradecimientu bien fondu pa la xente de
nueso, los que mos aguantaron y mos aguanten, pal Centru Profesores del Oriente,
n’especial a Yolanda Cerra, pola confianza que depositó dende’l principiu en nós y
pol tiempu que la ficimos esperar y tamién, como non, pal alumnáu de nueso, col
que, en toos estos años, probamos la eficacia de les actividaes. Ensin ellos, nada
d’esto tendría sentíu.
GRACIES
ENTAMU 11