A la gueta del material espardío - Educastur Hospedaje Web

Pa vivir les histories d’otra xente
El sieglu xix (ii)
Na segunda metá del sieglu XIX, la lliteratura asturiana nun enllaza del too coles
corrientes lliteraries que la arrodien. De toes maneres, puen sacase delles carauterístiques
xenerales: predomina la poesía, la prensa tien un papel fundamental como
mediu d’espardimientu de les obres, el costumismu sigue tando presente en
munchos autores…
Nomes propios del momentu seríen Xuan María Acebal, Teodoro Cuesta y Enriqueta
González Rubín.
Xuan María Acebal naz en 1815 y muerre en 1895. Anque
nun tien una producción abondosa, pol so altor lliterariu foi
consideráu ‘príncipe de los poetes’. De temática variada, destaquen
sobre too los poemes del paisaxe asturianu: Cantar y
más cantar, La fonte de Fascura y La vida del aldeanu.
Dos díes depués de la so muerte, el periódicu El Carbayón
asoleyaba: «Era un hombre modesto y retraído, condiciones
que le alejaron del aura popular... Su avanzada edad presagiaba próximo fin, y
más que recientemente lloraba sin consuelo la muerte de sus amados hijo y nieto
D.Guillermo y Borja Estrada... ¡Pobre lengua de la vieja patria! Acebal la
conocía y la hablaba por su pericia en el idioma madre».
Teodoro Cuesta (1829-1895) escribió poesía dende bien mozu.
A los 16 años yá llee en públicu’l so primer poema. Cuntó
siempre col favor del públicu, que lu siguía a toles fiestes, onde
lu invitaben pa lleer los sos poemes. Anque escribió poemes
d’estremaos temes (filosóficos, sociales…) los más afamaos son
los que toquen el tema amorosu, emponderen l’aldea y tienen
un toque satíricu.
Enriqueta González Rubín (1832-?) collaboró con munchos de los periódicos de
la fastera oriental d’Asturies. De les sos manes salíen los trabayos firmaos con alcuños
como La gallina vieja o La cantora del Sella, y que garraron bien sonadía
na dómina.
Ta considerada la primer narradora de les nueses lletres (de los escritores anteriores
nun conocemos obra en prosa).
Ente les sos obres tán Una boda por amor y Un indianu como hay pocos.
TEMA 6 97