A la gueta del material espardío - Educastur Hospedaje Web

Pa vivir les nueses histories
¿Y si escribes una carta?
El manexu de les nueves teunoloxíes va faciendo, pasu ente pasu, que se vayan perdiendo
vezos llantaos nel tiempu. Escribir cartes a xente que taba lloñe siempre foi
una actividá bien prestosa tanto pa xente mozo como pa los adultos. Nun se pue
perder la emoción de recibir cartes nel buzón.
Una bona idea pue ser entamar una amistá per correspondencia con dalguién d’otru
institutu qu’estudie llingua asturiana.
Otres posibilidaes:
– Siguir un esquema preestablecíu pa presentase ellos/es nuna carta, asemeyada
a la del modelu qu’apaez darréu:
• Fecha, saludu, posdata…
• Nome, edá, conceyu, pueblu…
• Estudios, asignatures preferíes…
• Tiempu llibre…
– Escribir los nomes y les señes de tol grupu en papeles y repartilos al debalu.
Ensin dicir a quien se ta escribiendo, redactar una carta y mandala per
corréu. (Quien ponga clase esplicará qué ye’l remite, ónde se ponen les señes…).
Dempués, traeránse a clase y comentaránse.
– Falar de les ventaxes y desventaxes del corréu ordinariu frente al corréu
lletrónicu.
Pa prauticar, pue entamase con esta amiga imaxinaria, a la qu’hai que contestar.
Deva ye una moza que vive en Celoriu. Va al institutu de Llanes y cursa 2 u d’e.s.o.
Présta-y pola vida cartease con xente d’otros sitios. Tien dellos amigos per correspondencia
n’Asturies y tamién n’otros sitios d’Europa. Y quier conocete.
TEMA 8 131