A la gueta del material espardío - Educastur Hospedaje Web

Pa conocer meyor lo nueso
La Llei d’usu
Nel añu 1998 el Principáu d’Asturies aprobó la “Llei d’usu y promoción del
bable/asturianu” col envís d’afondar n’aspeutos como l’usu, l’enseñu, la promoción
nos medios de comunicación, la toponimia…
L’artículu 1 conseña que:
El bable/asturianu, como llingua tradicional d’Asturies, gozará de proteición.
El Principáu d’Asturies promoverá’l so usu, difusión y enseñanza.
L’artículu 4 fala del usu alministrativu:
Tolos ciudadanos tienen derechu a emplegar el bable/asturianu y a esplicase nelli,
de palabra y per escrito.
Los artículos 9, 10 y 11 falen de la enseñanza. L’artículu 10 diz:
El Principáu d’Asturies ha garantizar l’enseñu del bable/asturianu en tolos niveles
y graos, respetando sicasí la voluntariedá del so aprendimientu. […] Ha
enseñase dientro del horariu escolar y va ser considerada como materia integrante
del currículu.
L’artículu 15 fala de la toponimia:
Los topónimos […] han tener el nome oficial na so forma tradicional. Pal casu
de qu’un topónimu tenga usu xeneralizáu na forma tradicional y en castellanu,
el nome podrá ser billingüe.
La Llei, nuna disposición añadida, conseña que «el gallego-asturianu ha tener
un tratamientu asemeyáu al asturianu no tocante a protección, respetu, enseñu,
usu y tutela nel so ámbitu territorial».
TEMA 6 103