A la gueta del material espardío - Educastur Hospedaje Web

• AÑU 1914 (8 de marzu).
Primer celebración del Día Internacional de la Muyer en 8 de marzu.
Participen más d’un millón de muyeres públicamente. Piden derechu a votu, derechu
a ocupar cargos públicos, derechu a trabayar, derechu a la enseñanza vocacional y el
fin de la discriminación nel trabayu.
• AÑU 1917 (8 de marzu). Rusia.
Muyeres ruses amotínense pola falta d’alimentos. Entama asina la Revolución rusa
que va acabar n’ochobre d’esi añu.
• AÑU 1977.
Les Naciones Uníes apauten una resolución que nagua por que tolos países dediquen
un día a celebrar los derechos de les muyeres y la paz internacional. El día escoyíu
ye’l 8 de marzu.
• AÑU 1978 (8 de marzu). España.
Primer vegada que se lleva alantre n’España la celebración.
Actividaes
1. Por grupos buscar información (n’internet, enciclopedies…) sobre dalgunos de los
fechos históricos enantes mentaos y sobre los que nunca oyeres falar.
2. Puesta en común de tola información recoyida.
3. Análisis y alderique de tolo espuesto en clas.
4. Col lema «Ser muyer», facer murales sobre los llogros consiguíos na llucha pola
igualdá:
– Derechu a votu
– Derechu a la educación
– Derechu al trabayu dignu
5. Recoyer, en prensa y revistes, el papel que representa la muyer en publicidá (ún de
los terrenos onde tovía queda muncho por facer pa desaniciar conceptos como:
muyer=oxetu; muyer de casa; muyer del paisanu...).
6. Muyeres na Historia. Buscar n’enciclopedies, internet... muyeres relevantes pol
papel desempeñáu n’entremaos campos: historia, ciencia, lliteratura...
7. Muyeres n’Asturies. Facer lo mesmo qu’en 6) pero centrándose n’Asturies.
ANEXU 243