A la gueta del material espardío - Educastur Hospedaje Web

La nueche de San Xuan (24 de xunu) ta mui rellacionada col mundu de la mitoloxía.
Nun pue faltar una foguera y nun son poques les histories d’encantamientos
y desencantamientos que se sienten pa esi día: les xanes déxense ver y
los cuélebres échense a dormir, perdiendo parte de la so fuercia.
Exercicios
1. Imaxina que tienes un trasgu en casa y que nun yes quien a que marche. Plantéa-y
10 retos que crees que nun podría cumplir teniendo en cuenta les sos carauterístiques.
2. Averigua tolo que sepas sobre la nueche de San Xuan. ¿Faise dalgo especial rellacionao
cola mitoloxía? Pregunta en casa si conocen dalguna historia al rodiu d’ella.
3. El futuru de la mitoloxía. Organizái un alderique nel que tarán presentes los más
personaxes mitolóxicos que se pueda (en función del alumnáu que seyáis) y tratái
sobre la vuesa supervivencia nun mundu como l’actual 80 .
4. Ye evidente qu’hai dellos rasgos en cada personaxe que los carauteriza. ¿Y si vivieren
nun mundu al revés? Por pareyes, inventa un diálogu pa les situaciones «inverosímiles»
que se daríen nos siguientes casos:
a. Una xana va a la peluquería porque quier ser morena
b. El trasgu pon un piercing nel furacu la mano.
c. La guaxa va al dentista a poner aparatu.
d. El nuberu garra un avión pal Caribe, onde nun llueva.
e. El sumiciu monta un rastru pa vender lo que robó.
f. A la guestia apagáronse-y los güesos.
80 Nun taría de más echar un vistazu a la obra de Rafael Cascudo, Xunta de mitos. Pues atopar la referencia
completa nos «Llibros encamentaos».
TEMA 14 227