A la gueta del material espardío - Educastur Hospedaje Web

26
TEMA 1
Pa vivir les nueses histories
Qué cosa cosadiella ye
Les cosadielles son unes fórmules en versu onde se describen inxeniosamente y de
manera atapecida les carauterístiques de daqué pa que daquién aldovine qué ye.
Na tradición asturiana puen atopase munches:
Nací na barriga mia mai,
ya paríume mia buela,
cola l.l.ana pa dientru
ya la piel pa fuera6 .
Pero tamién los escritores cimeros de la nuesa lliteratura usaron les aldovinances, anque
dalgo más llargues. Esta que vien darréu escribióla Teodoro Cuesta:
Cuando non sé lo que fago,
o m’apetez baraúnda
cuelo a mio prima y segunda
cálome allá y me lo trago.
Más si la tripa s’alteria,
o dame perruna tos,
en llugar d’aquelles dos
pápome la mio tercera.
Mio segunda ye envesible,
ye del cielu la portiella;
y el que non fay casu d’ella
que se salve ye imposible.
Prima y cuarta, el Criador,
como presea importante,
espetómoslo delantre
p’arremellamos meyor.
Mio too, si s’examina
mirao como se quiera,
paez una cafetera,
y ye daqué de cocina7 .
Pero más presto qu’aldovinales ye faceles. Intenta facer una, pero atiendi:
1. Primero piensa na solución.
2. Descríbila con versos curtios.
3. Escueyi cuatro d’esos versos, los que más te presten.
4. Enllázalos.
5. Cúnta-yla a daquién y qu’aldovine qué cosa cosadiella ye.
6 Cano, A. M. (1989): Notas de folklor somedán. Uviéu, ALLA: 38. Ver solucionariu.
7 Cuesta, T. (1990): «Charada» en Poesía. Xixón, Llibros del Pexe: 65. Ver solucionariu.