A la gueta del material espardío - Educastur Hospedaje Web

Pa saber falar y escribir curioso
La negación
N’asturianu atopamos estos alverbios de negación: NON, NUN, TAMPOCO, SI-
QUIERA y SIQUIERAMENTE.
El significáu de NON y NUN ye equivalente. Tamién el de SIQUIERA y SIQUIERA-
MENTE.
NUN emplégase cuando acompaña al verbu, niégalu. Tamién s’usa cuando va
precedíu de pronomes personales átonos. Exemplos: nun había naide; nun-y dixeron
nada…
NON emplégase cuando acompaña a elementos non verbales (eso ye mío, non tuyo);
en rempuestes absolutes (¿ta Taresa ehí? Non); enantes de pausa, si nun hai
verbu (¿quies dalgo? Non, güei nun quiero nada); énte participiu (xente non armao)
y na secuencia non… sinón (quier más non peres, sinón mazanes).
N’asturianu son posibles espresiones como naide nun sabe nada (doble negación),
ensin qu’ello quiera afirmar nada.
Exercicios
1. Busca alverbios de negación nos siguientes testos y analiza por qué l’autor usa
NON o NUN:
a) «–¿Qué non, “tron”? ¿Qué nun había teles na prehistoria? ¿Entós tu nunca
nun visti les pelis de los “Picapiedra”? ¿Nun visti a Pedro Picapiedra, a Pablo
Mármol, a Wilma y a Betty viendo la tele? ¿Sentaos mui tranquilos viendo
LA SO TELE?» 43 .
b) «–Nun te pregunté nunca si tabes casada –espetó ella como saludu cuando
te vio entrar pela marcación cola taza na mano.
– Non –acertasti a contestar, desconcertada, allegándo-yla a los llabios con cuidáu
de que nun s’arfiare y de que nun la tirare per sí.
– ¿Entós? –preguntó doblándose pa echar un sorbiatu.
– Nun se m’arregló –respondisti a seques» 44 .
43 García Oliva, V. (2006): ¡Alabín, bon, ban…! Uviéu, alla: 24.
44 Gutiérrez, V. (2006): Les palabres que te mando. Uviéu, Ámbitu: 36.
TEMA 7 107