A la gueta del material espardío - Educastur Hospedaje Web

Testos
a. «La realidá na Unión Europea caracterízase por fomentar el reconocimientu y el
respetu a la diversidá llingüística, alloñándose cada vegada más de les práctiques
uniformadores d’otros tiempos. Nesti sen, el Plan pa la Normalización Social del Asturianu
busca un tratamientu dignu tanto del asturianu como del gallego-asturianu,
aspirando a la consolidación del respetu y la tolerancia llingüística» 52 .
b. «L’Academia de la Llingua Asturiana nació en 1980, frutu d’un pautu ente toles
fuercies polítiques con representación nel Conceyu Rexonal d’Asturies, muérganu de
gobiernu preautonómicu que dio pasu llueu a la Xunta Xeneral del Principáu d’Asturies…
Varios oxetivos marquen la xera de l’Academia: afalar al usu públicu de la
llingua; normativizar l’asturianu; potenciar la so lliteratura; fomentar la so investigación
científica; esparder el deprendimientu del asturianu ente los enseñantes y el restu
de la ciudadanía; y protexer los derechos llingüísticos de los usadores» 53 .
Testu a
Testu b
Exercicios
1. Fai una interpretación personal de la última parte del testu.
2. Busca información y fai un trabayu sobre cómo, na práutica, l’Academia lleva
alantre los sos oxetivos.
52 Tomáu del «Plan pa la normalización social del asturianu 2005-2007».
53 Andrés, R. d’ (2003): «La llingua asturiana na sociedá» n’Informe sobre la llingua asturiana. Uviéu, alla: 89-90.
TEMA 7 119