A la gueta del material espardío - Educastur Hospedaje Web

18
Pero hai casos nos que les dos llingües nun coinciden: afayar, abeyota, poliya…
N’asturianu hai palabres con Y que lleven en castellanu J o G: coyer, güeyu, meyor,
trabayu…
N’asturianu hai palabres con LL que se correspuenden con otres castellanes con
L: allabar, llana, llobu, llingua…
N’asturianu la lletra X pronúnciase, por regla xeneral, como la ‘sh’ inglesa de
shoot o la gallega de xa: caxa, mexar, pexe, paxu…
Dellos cultismos adáutense n’asturianu con esi mesmu soníu (en castellanu tienen
G o J): bioloxía, xeneral, máxicu...
L’asturianu caltién en dellos cultismos la grafía X (qu’en castellanu se pronuncia
‘ks’): xenofobia, xilófonu...
Si la X queda na pallabra delantre de consonante, entós escríbese S: esplorar,
estraterrestre… Anque hai casos que permiten les dos soluciones: esame o exame,
esaxerar o exaxerar, esistir o existir, ésitu o éxitu, osíxenu o oxíxenu…
Nun hai qu’escaecer que nun s’escribe la I que pues escuchar, al falar, detrás de
la X: rexón y non *rexión; a nun ser que la I seya tónica: ruxía; o detrás de la I
vaya una consonante: xiblar.
El soníu /g/ represéntase G nes secuencies GA, GO y GU: gatu, goler, guya; y GU
nes secuencies GUE, GUI: guetar, guisar.
L’usu de diéresis nes secuencies GÜE, GÜI indica que se pronuncia la vocal:
güesu, güeyu…
El soníu /k/ represéntase con estes secuencies: CA, QUE, QUI, CO, CU. Exemplos:
cacarexar, querer, quintu, collaciu, cursu…
1. Escribi -O/-U nos caxellos vacios:
TEMA 1
Exercicios
Com_ te vea va cayete’l pel_.
Dacuand_ camino pel sable moya_.
Davez_ vien a trabayar en coche; cuand_ pierde’l tren.
Es_ ta mui estropia_.
Fiz_ munch_ pol puebl_.
La cama yera de fierr_ negr_.
La sidra ta perbon_. Xuan nun l_ tomó.
Llue_ dixeron que tarazara la man_.
Tenía un fil_ colora_ na chaqueta de cuer_ negr_.