A la gueta del material espardío - Educastur Hospedaje Web

ANEXU III
Llingua y lliteratura en gallego-asturianu
A fala
El gallego-asturianu ye una variedá llingüística «que s’esparde pel territoriu
asitiáu ente los ríos Navia y Eo, que ye la llingua propia d’esa fastera y qu’emplega
la población de los conceyos de Bual, Castropol, Cuaña, El Franco,
Grandas de Salime, Eilao, Ibias (sacante les parroquies de fala asturiana d’A
Estierna y El Vau), Pezós, Samartín d’Ozcos, San Tiso d’Abres, Santalla d’Ozcos,
Tapia, Taramundi, A Veiga y Vilanova d’Ozcos, amás de la xente de la vera
occidental de los conceyos de Navia, Villayón y Allande» 82 .
Anguaño nesti territoriu viven unes 40.000 persones.
A partir de les últimes décades del sieglu XX hebo nesta fastera un movimientu
de recuperación «que reclamaba pa la so fala un usu normal na sociedá y, al
empar, una normativa escrita propia» 83 .
L’Academia de la Llingua Asturiana ye la que curia polos derechos llingüísticos
de tolos asturianos, tanto los que falen asturianu como los que falen gallegoasturianu.
En 1996 crea la ‘Secretaría Llingüística del Navia-Eo’ que trabaya
na promoción de la fala.
Anguaño esiste una normativa ortográfica del gallego-asturianu (na que s’asoleyen
bien de llibros) y ta presente como asignatura nel sistema educativu de la
fastera d’Entrambasauguas.
Como llingua de transición ente otres dos, nesti casu gallegu y asturianu, el gallego-asturianu
presenta rasgos llingüísticos que coinciden col asturianu (diminutivu
en -ÍN: pequenín), col gallegu (sistema vocálicu tónicu de siete vocales,
con una E abierta y otra zarrada, y una O abierta y otra zarrada) y con entrambes
llingües (caltenimientu de F- llatina: fame), amás d’otros rasgos propios
(formes con diptongu y non con hiato del tipu meiz).
82 (2006): Informe sobre la fala o gallego-asturianu. Una perspeutiva hestórica, social y llingüística. Uviéu, ALLA: 5.
83 (2006): Informe sobre la fala o gallego-asturianu. Una perspeutiva hestórica, social y llingüística. Uviéu, ALLA: 5-6.
ANEXU 249