A la gueta del material espardío - Educastur Hospedaje Web

250
ANEXU
Lliteratura
Los primeros testos lliterarios conocíos en gallego-asturianu son de finales del
sieglu XIX. «Anque ye posible que primero d’estes feches hubiera más cultivu
lliterariu inéditu de la mano de dalgún escritor local, la falta de calces pa dar
salida a esi tipu de creaciones tuvo que ser un estorbu importante» 84 .
Debemos a Bernardo Acevedo y Huelves (1849-1920) los primeros testos impresos
en gallego-asturianu: el soneto «La Fuente a Jovellanos» (asoleyáu na
revista Asturias de Madrid en 1891) y una traducción d’una poesía de Camôes
(asoleyada en Lisboa en 1893).
Les collaboraciones lliteraries xeneralícense nes primeres décades del sieglu XX
de la mano de los periódicos locales. Entes esos primeros autores ta Ramón
García González (1870-1938) qu’espubliza, en 1920, el primer llibru en gallego-asturianu,
Amarguras d’un viaxe, poema llargu que cunta la historia de dos
namoraos que se tienen que separtar, anque too s’arregla al final.
Otru autor importante d’esti tiempu ye Conrado Villa Loza (1873-1962), autor
de la zarzuelina Un feixe de tapiegadas (1922).
La llegada de la República trai l’enfotu de popularizar la cultura. Mui importantes
son les actividaes de la Biblioteca Popular Circulante, ente les qu’hai que
resaltar el TEATRO ALDEANO que representaba obres en gallego-asturianu, munches
basaes na tradición popular asturiana.
Nesti tiempu hai que conseñar tamién les collaboraciones periodístiques en
prosa d’Alejandro Sela (1911-1982) que firmaba col alcuñu de «El tío Pepe».
«Depués de la guerra, el cultivu lliterariu del gallego-asturianu amorteció peligrosamente.
Aparte de lo poco atopadizu que yera l’ambiente políticu y cultural
d’esos años pa les llingües distintes del español, nun hai qu’escaecer que cola
Dictadura zarraren tolos periódicos qu’había na zona» 85 .
De la lliteratura que va de la guerra civil hasta güei, l’autor más importante ye
Manuel García Sánchez, «Galano» (1920). Escribe teatru «de mena costumista,
na llinia tradicional; busca’l retratu de los tipos y situaciones familiares pal
84 Suárez Fernández, X. M. (2002): «La lliteratura en gallego-asturianu» n’Historia de la lliteratura asturiana.
Uviéu, alla: 734.
85 Suárez Fernández, X. M. (2002): «La lliteratura en gallego-asturianu» n’Historia de la lliteratura asturiana.
Uviéu, alla: 736.