A la gueta del material espardío - Educastur Hospedaje Web

Pa vivir les histories d’otra xente
Ente’l xix y el xx (ii)
Fernán Coronas, el Padre Galo Fernández, (1853-1938) naz
en Cadavéu, conceyu de Valdés. Tres entrar de noviciu con
13 años nel Conventu de la Congregación d’Oblatos de María
Inmaculada d’Urnieta, Guipúzcoa, ordénase sacerdote.
Domina bien de llingües y viaxa per conventos de la orde, tanto
españoles como europeos lo que lu fai rellacionase con otres
cultures ya idiomes. Esti aspeutu esplica la so sensibilidá pa cola cultura y la
llingua asturiana.
Los sos primeros poemes amuesen señaldá por Asturies, a la qu’al volver dedica
la so obra, col envís de dar vida a la llingua, yá daquella tan estropiada.
Muerre na miseria, tres ser párrocu de Cadavéu, nel asilu de Vil.l.ar, en Valdés.
La so obra nun s’espublizó nun llibru hasta los años 80 del pasáu sieglu; nesi
tiempu munchos poemes y escritos perdiéronse dafechu.
Casa del Padre Galo. Cadavéu.
TEMA 8 127