A la gueta del material espardío - Educastur Hospedaje Web

1. Canta, cantando.
164
TEMA 10
Exercicios
Apurrir les lletres de les canciones. Disfrutar de la música ensin más pue ser el primer
pasu pa un averamientu a un grupu o a un estilu determináu.
2. Enllenando furacos.
Anque ye una de les xeres más conocíes pa trabayar con canciones, non por ello hai
que desdexala. Puen quitase palabres clave, verbos, axetivos… Pue facese primero
dando namás que’l testu, pa qu’echen a volar la so imaxinación y dempués sintiendo
la canción.
3. Rapeando.
«Esti ye’l rap de la clase de primeru/ que mos presta y mos divierte/ más que ser
bomberu./ Nun mos gusta vaguear/ anque la mayestra / mos riñe cantidá».
Sí, trátase de lo que paez. Ente tola clase pue crease un rap al rodiu la llingua, la clase,
l’institutu… faciendo que tol mundu participe na lletra, poniendo soníu de fondu.
Pue montase un espolín bien prestosu.
4. ¿Y si vamos más p’allá?
Reflexonar al rodiu la lletra les canciones ye productivo y gratificante. La música
arrodia la nuesa vida y munches veces l’alumnáu nun se para a pensar no que tresmite
lo qu’escucha. Un exemplu ye’l que se plantega darréu, tomando como base
una canción de Dixebra.
Cai la mañana nel mercáu,
el sol, el sudu, la pena y un cantar,
que vien del otru llau de la mar.
La hora encesa y una sele calor,
la radio sintonizando
«sodade», «sodade»…
Esa muyer ve la vida pasar,
cola mirada sonce y desgana
Siéntese abandonada.
Vive nun sitiu qu’enxamás
podrá llamar casa
«sodade», «sodade»…
Sabe que mas alló de la mar,
hai una tierra onde nadie la espera,
WILMA LOULÉ
unos recuerdos qu’inda golpeen
Nun queden llárimes que derramar,
Polo que nun foi, polo que perdió.
De San Tomé al mercáu,
del mercau a San Tomé.
Qué dura la vida, qué grande la pena.
De San Tomé al mercáu,
del mercau a San Tomé.
«Sodade», «sodade»…
Wilma muerre de pena.
Wilma muerre de fríu.
Wilma muerre de fame.
¡Wilma tira p’alantre!