A la gueta del material espardío - Educastur Hospedaje Web

1 Montesín
Testos
Al entrar n’Escorial, cerque la ñuestra casa, xunta la carretera vieya, hai una llosa
grande, scurro que ye tarrén de caza.
Nesta llosa, bien grandona, hai robles, matoxos de daqué y dalgún fresnu. Pela primavera,
ta bien encampizada de verdi, pero pel veranu, el tarrén ta amarielludu y secañosu.
Los dis d’anantres tenía llovíu abondo y el tiempu taba enfriucando. Serín entós como
les doce la mañana, una mañanina asoleyada y gayaspera […] 61 .
2 La casa au nació’l poeta
Manolín de Darío visitaba de xemes en cuando la casa de Les Cuestes au él naciere
una fargatada d’años atrás. Yera una casa d’aldea, na parroquia de Ciañu, paecida a
munches de les qu’entovía se conserven per aquellos pueblos llangreanos escolingaos
pelos montes averaos a la llende del hermanu conceyu de Mieres.
La casa, de parees pergrueses, taba fecha d’antigua mampostería de piedra. Componíase
del baxu con suelu de cementu ruletiao y un pisu enriba con teyáu de tables
amachambraes, al que se subía per una escalera interior de madera62 .
3 Tracamundiu
Al mirate a la cara
das tal reflexu
que me veo retratáu
nel to pelleyu.
Y si yes tu quién mira
pa la mio cara
en el reflexu míu
tas retratada.
Y agora nun se sabe
quién ye ún y otru,
pues les cares mecíes
son un manoyu63 .
61 Canellada, M. J. (1996): Montesín. Uviéu, Trabe: 7.
62 Asoleyáu por Mánfer de La Llera na seición «Alitar Asturies» del diariu El Comercio. Xixón (28-8-1995).
63 Mánfer de la Llera (2002): La mio prosa atada en versos. Uviéu, Ámbitu: 64.
TEMA 10 159