A la gueta del material espardío - Educastur Hospedaje Web

2 La Guaxa
La Guaxa y’ una bruxa impertinente
de ‘nclinación malífica i dañina.
pos a moces i a neños tien enquina
y chúpa-yos la sangre con un diente.
Entra pe les rendixes de repente,
y a modu de vampiru fai la endina
que duerman i non sientan la malina
aición que va matando selemente.
Si un rapacín rebustu y colloráu
va quedando flacuchu, ‘sblanquiñau,
ye qu’esta sanixuela lu descuaxa.
Y cuando una rial moza desque xinta
va col ganao al monte i se despinta,
suelen dicer que la comió la Guaxa 48 .
48 González Prieto, F. (1990): «La Guaxa» en La vida asturiana nun cientu de sonetos. Uviéu, ALLA: 57 [Facsímil
de la edición de Xixón de 1921].
TEMA 7 113