A la gueta del material espardío - Educastur Hospedaje Web

Pa vivir les histories d’otra xente
Ente’l xix y el xx (i)
La dómina que va ente’l sieglu XIX y el XX (enantes de la guerra civil) vien marcada
pol folclorismu col que s’entendió la lliteratura na mayor parte d’esi tiempu.
La mayoría de les obres pinten una sociedá asturiana idílica, ideal, ayena a
los cambios sociales que se vivíen.
Los principales autores van ser Marcos del Torniello, Pachu’l Péritu, Pachín de
Melás, Pepín de Pría…
Marcos del Torniello (1853-1938) ye l’alcuñu de Xosé Manuel
García González, qu’algama bien de sonadía na comarca d’Avilés
con poemes que siguen llinia poética de Teodoro Cuesta.
Ye autor de llibros como Tambor y gaita y Orbayos de la
quintana, y de bien de collaboraciones en periódicos.
Francisco González Prieto (1859-1937) firmaba los sos testos (poemes, artículos
y cuentos) con alcuños como El Zancarru o Pachu’l Péritu.
Foi direutor de los selmanarios El Ixuxú y El Astur, y autor de L’antroxu, El
cuintu la xana, La vida asturiana en un cientu de sonetos…
Xosé García Peláez, Pepín de Pría (1864-1928) tien como
obres fundamentales, Nel y Flor (idílicu, amorosu) y La Fonte
del Cai (dedicáu a Ribeseya, foi asoleyáu póstumamente. Nél,
la natura impón el so ritmu a too). Anque tamién asoleyó teatru
(¡A L’Habana! y ¡El diañu de los microbios!).
Emilio Robles Muñiz, Pachín de Melás (1877-1938) ye ún de
los creadores del teatru asturianu, escribiendo abondes obres
que se representaron per toa Asturies con munchu éxitu.
Ente les sos obres conseñamos les compilaciones Pensatible
(poemes), Les veyures de Pinón (cuentos), Teatru completu (en
dos tomos, el primeru de 1960 y el segundu de 1970).
TEMA 7 111