ACTA APOSTOLICAE SEDIS - Libr@rsi

360 Acta Apostolicae Sedis - Commentarium OfficialeIIIDE KAFFA SEU DE GIMMAPRAEFECTURA APOSTOLICA DE KAFFA AD VICARIATUS APOSTOLICI GRADUM ET DI­GNITATEM EVEHITUR, SUB NOMINE « DE GIMMA », EIUSQUE LIMITES DE­FINIUNTUR.PIUSEPISCOPUSSERVUS SERVORUM DEIAD PERPETUAM REI MEMORIAMQuae christiano nomini facilius aptiusque propagando utiliora videntur,ea ut sollicito studio decernamus Nos admonet supremi quofungimur apostolatus officium.Considerantes igitur ad Christi regnum inter infideles dilatandumnon parum prodesse ad potiorem Vicariatus gradum et dignitatem PraefecturasApostolicas quandoque extollere et earumdem Missionum limitesmelius definire, si id rerum et locorum adiuncta exigere videantur,Nos, de venerabilium Fratrum Nostrorum S. R. E. Cardinaliumpeculiari Commissioni ad Missiones catholicas in novum ordinem in Aethiopiaredigendas praepositorum consilio, suprema Nostra auctoritatePraefecturam Apostolicam de Kaffa ad Vicariatus Apostolici gradum etdignitatem evehimus, quem, mutato nomine, de Grimma in posterumnuncupari volumus; ac decernimus ut Vicariatus ipse territorio deincepsconstet, civile Gubernium de Galla et Sidamo complectente, exceptiscommissariatibus civilibus de Sidamo et de Borana) ex quorum territorionovam hac ipsa die Praefecturam Apostolicam de Neghelli ereximuset constituimus. Novum autem Vicariatum de Gimma Instituto Missionuma Consolata, cuius sodales sollerti studio iam ibi adlaborant, etiamin posterum, ad Nostrum tamen et Apostolicae Sedis beneplacitum, concreditumvolumus.Huic autem Vicariatui de Gimma eiusque pro tempore Vicariis Apostolicisomnia tribuimus iura, privilegia, honores et potestates, quibusceteri per orbem Vicariatus eorumque Praesules iure communi fruunturet gaudent, eosque iisdem adstringimus oneribus et obligationibus,quibus ceteri adstringuntur.Harum vero Litterarum transumptis aut excerptis, etiam impressis,manu tamen alicuius notarii publici subscriptis ac sigillo alicuius viriin ecclesiastica dignitate vel officio constituti munitis, eamdem prorsusvolumus haberi fidem, quae hisce Litteris haberetur, si ipsaemet exhibitaevel ostensae forent.