Byggingareftirlitið - Skipulagsstofnun

10.04 Niðurstöður.
Vottunarmál eru í ólestri. Markaðseftirlit er óvirkt. Þekkingar- eða áhugaleysi
seljenda er nánast yfirgengilegt. Byggingarstjóra virðist að einhverjum hluta skorta
ábyrgðartilfinningu eða hugsanlega þá þekkingu sem þarf til að tryggja rétt val
byggingarvöru.
Hönnuðum ber á uppdráttum að gera grein fyrir efniskröfum með tilvísun til staðla
og reglugerða. Svo virðist sem þeir komist upp með að gera það ekki sbr. grein
6.12 í þessari skýrslu. Það að efniskröfum sé rétt lýst er að sjálfsögðu
megingrundvöllur þess að hægt sé að velja rétta vöru til verks. Það að krafa sé rétt
skilgreind á uppdrætti er að sjálfsögðu grundvöllur þess að byggingareftirlit geti
krafist staðfestingar á að vara uppfylli þá staðla sem þar eru tilgreindir.
Stjórnvöld byggingarmála verða að taka alvarlega á vottunarmálum sé fyrirhugað
að ganga eftir því að þessi krafa sé virt. Embætti byggingarfulltrúa ein sér hafa
hvorki aðstöðu né bolmagn til að taka ein á því máli. Fyrsta stig í slíkum ferli er að
sjálfsögðu að tryggja að efniskröfur séu tilgreindar á uppdráttum á þann veg sem
byggingarreglugerð gerir kröfu um, þ.e. með tilvísun til staðla og reglugerða.
118