Byggingareftirlitið - Skipulagsstofnun

6.03 Að ganga úr skugga um réttmæti hönnunargagna
Byggingarreglugerð, grein 9.4, gerir ráð fyrir að byggingarfulltrúi
„gangi úr skugga“ um að hönnunargögn séu í samræmi við lög og
reglugerðir. Ekki er nánar tilgreint hvernig beri að standa að því og
ekki er vitað til að byggingarreglugerð eða önnur stjórnsýslugögn
tilgreini sérstaklega hversu víðtæk yfirferð er innifalin í orðunum; „að
ganga úr skugga um“.
Til að upplýsa um með hvaða hugarfari byggingarfulltrúar yfirfara
hönnunargögn var lögð fyrir þá eftirfarandi spurning:
Hefur þú þá skoðun að byggingarfulltrúar eigi að fara ítarlega yfir
hvern einstakan uppdrátt, eða telur þú eðlilegt að vísað sé til ábyrgðar
hönnuðar – það sé þeirra að tryggja fullnægjandi vinnubrögð. Hver er
afstaða þíns embættis og hvernig er hún „praktiseruð“ hvað þetta
varðar?
Hér eru sýnd fáein svör sem talin eru gefa nokkuð lýsandi yfirlit
yfir þau svör sem bárust:
Nákvæm yfirferð
• „Miðað við reynslu þarf að fara ítarlega yfir uppdrætti, þeir eru
mjög mismunandi. Ábyrgðin er samt sem áður alltaf hönnuðarins.“
• „Farið er nákvæmlega yfir alla uppdrætti vegna þess að reynslan
sýnir að það sé nauðsynlegt. Við núverandi aðstæður er hönnuðum
ekki treystandi til að ganga frá hönnunargögnum á fullnægjandi
hátt, þá er miðað við reynslu undanfarinna missera.“
• „Hlutverk byggingarfulltrúa er að líta til þess að hönnunargögn séu í
samræmi við lög og reglugerðir. Vísað er þar til ákvæða
byggingarlaga og reglugerðar. Tel að byggingarfulltrúi eigi að geta
haft áhrif á ákvarðanatöku hönnuðar og geti leitað til óháðra aðila til
að fá staðfest álit sitt og túlkun. Skoða þarf eðli bygginga með tilliti
til yfirferðar og eftirlits. Það er oft þörf á að fara vandlega yfir
teikningar og kanna ítarlega hvað og hvernig hönnuðir skrá
upplýsingar á teikningar. Það getur líka verið þörf á að líta til þeirra
forsendna sem þeir byggja hönnun sína á t.d. varðandi burðarþol.“
Leitað augljósra vankanta
• „Hönnuðir bera fulla ábyrgð og það er þeirra að tryggja réttmæti
hönnunargagna. Þeir eru löggiltir til sinna starfa því verður að gera
þá kröfu til þeirra sem sérfræðinga að hlutir séu í þokkalegu lagi.
Byggingarfulltrúans er að fylgjast með að hlutir séu gerðir eftir
lögum og reglum, hlutverk hans er framar öðru að skoða hvort um
sé að ræða einhverja augljósa vankanta.“
47
„Byggingarfulltrúi
er
framkvæmdastjóri
byggingarnefndar.
Hann gengur úr
skugga um að
aðaluppdrættir séu í
samræmi við
gildandi skipulag,
lög og reglugerðir.
...“
„Byggingarfulltrúi
ákveður í samræmi
við reglugerð þessa
hvaða
hönnunargögn
skulu lögð fram
vegna
byggingarleyfis.
Hann gengur úr
skugga um að þau
séu í samræmi við
þær reglur er gilda
um viðkomandi
byggingu eða
mannvirki og áritar
uppdrætti um
samþykkt á þeim.
...“
(Bygg.regl. gr.9.3 og 9.4)
„Byggingarfulltrúum
er heimilt, að fengnu
samþykki
sveitarstjórnar, að
fela prófhönnuði eða
faggiltri
skoðunarstofu
skoðun og samþykki
séruppdrátta.“
(Bygg.regl. gr. 9.13)