Byggingareftirlitið - Skipulagsstofnun

6.22 Vandamál í samskiptum við hönnuði
Eftirfarandi spurning um samskipti við hönnuði var lögð fyrir byggingarfulltrúa:
Kemur fyrir að samskipti við hönnuði sé vandamál? Sé svo hvernig lýsirðu því sem
vandamáli?
• Um 50% byggingarfulltrúa telja að
yfirleitt komi ekki upp umtalsverð
vandamál í samskiptum við hönnuði.
• Um 38% byggingarfulltrúa lýsa
andstæðri skoðun.
• Um 12% taka ekki afstöðu eða svara
ekki spurningunni.
Svörin eru af misjöfnum toga. Fjalla sum
um þætti sem þegar hefur verið greint frá í
þessari skýrslu en önnur eru annars eðlis.
Kemur fyrir Yfirleitt ekki Svara ekki
Svör eru birt hér og eins og oft er sýndur dæmigerður eða lýsandi útdráttur:
Ósáttir við athugasemd
• „Hönnuðir bregðast oft þannig við athugasemd byggingarfulltrúa að um sé að
ræða smámál. Þeir hafi getað sent inn svona gögn hjá öðrum
byggingarfulltrúum og alltaf fengið þau afgreidd þar.“
• „Það kemur helst fyrir þegar þeir eru ósáttir við athugasemdir. Vilja til dæmis
að athugasemdir frá byggingarfulltrúa um ófullnægjandi teikningar séu dregnar
til baka. Eru oft tregir til að breyta til samræmis við gerðar athugasemdir og
jafnvel tregir til að viðurkenna réttmæti athugasemda.“
• „Burðarþolshönnuðir eru stundum ósáttir við athugasemdir og vilja oftast
rökræða málin frekar, telja sig þá hafa gert allt rétt.“
• „Hefur komið fyrir gagnvart tækniuppdráttum þar sem erfiðlega getur gengið að
fá afhentar nánari skýringar og frekari deili.“
Reyna þrýsting
• „Komið hefur fyrir að aðalhönnuður leggur fram ófullnægjandi gögn og er
ófáanlegur til að lagfæra þau almennilega. Þá er gjarnan viðkvæðið að enginn
geri þessar kröfur til gagna nema ég og í sumum tilfellum er það kannski rétt.
Þá myndast stundum þrýstingur frá sveitarstjórnarmönnum um að liðka til fyrir
viðkomandi byggjanda.“
• „Það eru dæmi um að hönnuðir hafi móðgast og sent athugasemd eða aðfinnslu
til byggingarnefndar vegna þess að byggingarfulltrúi gerði athugasemdir við
hönnunargögn þeirra.“
• „Vandamál getur helst skapast þegar menn reyna að komast upp með að skila
ófullnægjandi gögnum og reyni síðan að beita þrýstingi til að fá þau í gegn.“
68
Koma fyrir vandamál í samskiptum
við hönnuði?
38%
50%
12%